¹ Kikimweni twenda nu lomba enu apangi nwiji etshi kilumbu kiakeza ku vutuka fumu ni kuwanina kwetu osu ni mweni. ² Nukhaloku mabanza ma kisakasaka ata nwa nona ndaka to mukanda wa katuka kudi etu yaka khala kaka sambu dia kunu shamisa etshi kilumbu kia fumu kia lunga. ³ Ata kiehi muthu kunu huna lo mambu menamana ma kabwa oku kadi ivwa athu kalekidiku Nzambi mu mbala ya tshuka tii koku muhtu wa bola akeza kudimwekinisa mweni muthu waka bila kimakulu. ⁴ Muhtu mweni wudi mbeni wa yima yosu yenda kusambila athu ni mbeni wa mambu mosu menda kubanza athu etshi medi ma Nzambi. ⁵ Nusuku ku bambukanga etshi nianu lejidi mambu menama tangwa di niekhedi kudi enu. ⁶ Ejikenu etshi kushiku ni kima kiku kasanga nzila kudi muthu wa bola muku wudika waka wudika kaka mu tagwa diamu zengila Nzambi. ⁷ Ngolu jia kitshweki kienji kia mambu ma bola jia yanjika kadi kisalu kiomu thama Kashi mambu menamana ma kabwa kaka kia kela muthu oyu uku kasanga njika wa katuka. ⁸ Kaka mu tangwa diene dina muthu wa bola oyu wenda kuleka kulemvuka mu jitshiku waka wudika kashi fumu waka mujiya ni mupepi wa ndaka yaka wudika mu kanu dienji fumu kiakeza kuvutuka ni lukumu liosu waka mu jiya kimakulu. ⁹ Muthu wa bola wakeza ni ngolu jia Satana waka hanga mambu ma kuyituka ma pila ni pila ni ma hikhubidi. ¹⁰ Waka bula kuhanga mambu mabola ma pila ni pila kikuma kia kuhuna athu awana aka bila nzila akonda kadi kukumbula kiedika kia lunga ku wa hulusa eni kaku zolangoku kiedika. ¹¹ Sambu dia kiene kina Nzambi waka wahwa njila abidi mupila etshi akumbudi mambu ma hukhubidi. ¹² Athu aka kwikila mambu ma hukhubidi aleka mambu ma kiedika azola mambu ma bola Nzambi wa ka wahwa ndola. ¹³ Apangi aluzolu mu Yesu twenda twahwa Nzambi matondu kikuma kienenu mweni wanu sola nu khadi athu athethi aka huluka mu ngolu jia pevi eyi ya nwikinisa athu jia mweni mu lukwikilu lu nudi nalu mu mambu ma kiedika. ¹⁴ Nzambi wa nutambikidi kumanima ma kwivwa tsangu ya mboti yi twa nulongidi muku nona ndambu ya lukumu lwenu kudi fumu Yesu Khidishitu. ¹⁵ Kieni kioki apangi khalenu ni ngolu kwatwnu malongi m twa nu longidi ni mu mikanda mi twa nu sonikinanga. ¹⁶ Leka fumu Yesu Khidishitu ni Nzambi tata wenda kutuzola mu khenda jienji anuhu kikesa. ¹⁷ Azadishi mitshima yenu ni kikesa ni ngolu mu mambu ma mboti ni mu kwakula kwenu.