¹ Polu Silivain ni Timote kudi dimbu dia Tesalonika mu zina dia Nzambi Tata ni fumu Yesu Khidishitu. ² Leka khenda ni ngemba ja Tata Nzambi yi khadi kudi enu. ³ Tufeti kuvutula tangwa diosu matondu kwa Nzambi kudi enu apangi. Kikuma medi mboti lukwikilu lwenu lu kudi engi ni zola dia kosu muthu di zadi kudi mumoshi ni mukuawu. ⁴ He etu mweni twenga kunwakudila ni lulendu mu mabundu ma Nzambi. twenda twakudila kukasa kwa mutshima ni lukwikilu lwenu mu kuniokwama kiosu he twenda twakudila jipashi ji nwa khedi kukashila mutshima mu mabundu ma Nzambi. ⁵ Idi kamu kidimbu kiaka lombulula kusambisa kwa kiedika kwa Nzambi. ⁶ Idi masonga etshi Nzambi wenda kuhana ndola kudi athu abola enda ku muhwa pashi. ⁷ Mweni amuhu ngolu enu nudi mukatshi ka khenda mudi etu kahinga kia keza fumu etu Yesu ni awanjo. ⁸ Mu Mulebu lebu wujima wa thuya wa kavutula thaba kwa awa aleka kwijiya Nzambi ni enda kuleka ku kumbula tsangu ja mboti ja fumu wetu Yesu. ⁹ Aka nona ndola ya pashi kikuma kia kukhala thama ni fumu ni khembu ya ngolu jenji. ¹⁰ Waka hanga kiene kina kia keza kilumbu kiene kina mukukhala ni lukumu kudi athu jenji ni muku tadiwa kudi awa osu enda kukwikila kikuma nwa kwikididiku kimbangi kia etu. ¹¹ Sambu dia kiene kina twenda twa samba tangwa diosu sambu dienu twenda twa samba Nzambi atu moni kibeni athu awa atambikiwa twenda twa samba kikuma Nzambi alungishi nzala yosu ya khenda ni yisalu yenu ya lukwikilu lwenu ni ngolu joyi josu. ¹² Twenda twa samba mu pila etshi zina dia fumu wetu Yesu Khidishitu dinoni lukumu kudi enu twenda twa samba kikuma nu noni lukumu kudi sambu dia khenda ja Nzambi ni fumu wetu Yesu Khidishitu.