¹ Yeka lubondila ba mpangi, yekufwa n'kenda Nzaambi, lu kaba lutu lwenu yaba kimenga ki kieka zinga, ye busantu phe lu tambusama kwe Nzaambi, kuna kwe kusambila ku bunkete. ² Ludihaniku mu mambu ma tsi yayi, ludihana mukutungama ku ngindu, mukusia luzaya nki mawu mambu ma bunkete, maka tambusaka luzolo lu Nzaambi. ³ Saamu di lutondu lu Nzaambi lukatu sadi, hankatu muutu mukati di benu kakala ye ngindu zi hika zihioki kitesu ki yandiene kuhioka zizi fweti kala. Kasi luyindulaka ye ngangu zaakulu buna kahana yandiene kwe konso muutu muna kitesu kilukwikilu lwandi. ⁴ Saamu ntwene ye bito binga mukati di lutu lu mosi, kaasi bito bi lutu biakulu bisalaka kisalu kimosi. ⁵ Piila mosi, ntwene biingi, tu kuma kima kimosi mu Kristu, phe twene konso muutu kito ki wuna ye wuna wuhika. ⁶ Konso kene ye kabu diandi kan'heka Nzambi. Na muutu ke ye kabu di kumona mambu kuntwala, kasadila dio muna kitesu ki lukwikilu lwandi. ⁷ Na muutu kene ye kabu di kusala, kasala phe. Na muutu kene ye kabu di kulonga, kalonga phe. ⁸ Na muutu kene ye kabu di kuhana kikesa, kasala. Na muutu kene ye kabu di kukaba(kuhana), kahana ye mbundu bunkete. Na muutu kene ye kabu di kunatisa, kasala dio buna bubunkete. Na muutu kene ye kabu di kufwila n'kenda, kasala dio ye kiesi. ⁹ Lutondu lu benu lu kadiku lu hantandu bibebu. Lubusa mambu mambi. ¹⁰ Kikuma ki lutonda mukati di ba mpangi, luzolana benu ye benu; lu diheka luzitu ye lukumu benu ye benu. ¹¹ Mu tsualu kusala, lu meti-metiku; mu kimpeve, lu ngenga; mu mambu ma Nzaambi, lun'sadila. ¹² Lumona kiesi mu ntangu yi kwisa; lu lepika mbundu mu mimekanu; lu kwamina mu bisambu. ¹³ Bina ba zola baatu babasambilaka bikala phe bi benu. luyambaka phe baatu mu piila yaakulu. ¹⁴ Luba mpambulaka bana ba tunwanisaka, luba lakidiku mbi. ¹⁵ Lumona kiesi ye bana be mukiesi. Ludila phe ye bana beka dila. ¹⁶ Lukala ngindu zi mosi benu ye benu. Lusiku lulendu mu ngindu zenu, lubatambusa bana bakonda lulendo, lukadiku ngangu kaka mu mesu menu. ¹⁷ Lusadiku mambi kwe bana bakwe lusadi mbi. Sala mamboti ku mesu ma baatu baakulu. ¹⁸ Na fwene, ntangu yaakulu, kala mungemba ye baatu baakulu. ¹⁹ Kotiku mu bintumba ye ngeyene, kaasi yambu nkabu zi Nzaambi zi sala. Saamu basonika: " mene yi kabusa mbela, mene yi hanaka kwe konso mutu mukisalu kiandi" kahoyi Pfumu. ²⁰ Kaasi na mbeni ngeyi kene ye nzala, n'heka ka kdia. Nakene ye nzala mamba n'heka ka nwa. Saamu na wusala bwabuna, wekan'basisa makala ma mbawu hantandu n'twa. ²¹ Mambi ma luyadiku, kaasi lu sumbuka mambi mu mambu makitoko.