¹ Haakana kipfumu kizulu ki kala neti ba nketu kumi bakodi zaya yakala, bamongi minda mibawu, bela mukusha ba kutana ye yakala. ² batanu mukati di bawu bakala ba zoaba, batanu bahika ngangu. ³ ba zoaba, ha ba mongi minda, balalaniki mashii. ⁴ baba ngaangu, ba mongi miinda ye mashi mu milangi. ⁵ mukunanga kuyakala, baakulu ba niimbi. ⁶ haakati phipa, yakala wiisi. ⁷ Baakulu ba vumbuki, bayiidiki miinda. ⁸ Ba zoaba bakambaka ba ngaangu: lutuheka mashi ma beeno miinda mibetu mi ziimi. ⁹ Ba ngaangu bakabusi: makukoku mukusha tu kabisa ye beenu, lwenda lwe suumba kuna bateka. ¹⁰ Ha balubuki Be Sumba mashi, yakala kumi; ba bakala ba yiilama bakoti ye yakala munzo feeti, bakhashi kielo. ¹¹ kunima ngaangu, ba nkeetu ba bazoaba bishi, bahoyaka: pfumu, pfumu tukangula kielo. ¹² Babakambaka: mumasoonga yiilukambi, yiiluzeyako. ¹³ Ludiyiilamanaka sambu luzeyeeko keete kiluumbu keete ntaangu. ¹⁴ Dikala neeti, mutu moshi wenda voyage, teedi ba tsaadi bandi bahele bima bi yandi biaakulu. ¹⁵ Ba heele konsu mutu mu ngolu zaandi, moshi makuta matanu, moole kwe wuna wuhiika, wuna wutatu dikuuta dimoshi. ¹⁶ wuuna wumongi makuuta mataanu sadiisi mho, mabuuti mataanu dihiika ¹⁷ phiila moshi, wuna wumoongi makuta moole, sadiidi mabuuti dihiika moole. ¹⁸ wuna wuumongi diimoshi wee tiima buulu ziiki makuuta ma pfumu m'wandi. ¹⁹ Kuniima biluumbu, pfumu kabuuki baloombi ba m'siila kisaambu. ²⁰ wuuna wu moongi matanu, wisana naata mataanu diihika, kahooyaka: pfumu wuu phele makuuta mataanu, taala mataanu mahiika. ²¹ pfumu mwaandi kahoya bubunketee, wene n'sadi mbooti, kele masoonga mu bima binkeke, yiiku heeka binga, koota mu kieshi ki pfumuaku. ²² wuna wumongi makuta moole phusani yandi phee, kahoya: pfumu wuupheka makuta moole, taala moole maahika. ²³ pfumu kaahoya: bubuu nkeete, wene n'sadi mboti, kle masoonga mu bima binkeke,yiiiku heeka binga, koota mu kieshi ki pfumuaku. ²⁴ wuuna wumongi dikuuta diimoshi mpusaani, kahoya, pfumu nzeeye we mutu mannthata, heela aata haana wukunoko, bashiisa aata haana ningisiku m'phepe; ²⁵ yii wiidi bona, mbongu ziingeyi yenda ziikazo mumafu, taala zoo moonga. ²⁶ Pfumu ka m'kambaa: n'sadi mbi phe moolo, zeye ne yii heela haana nkondi nkuna, phe yii monga binga haana nkondi tshia um'pepe; ²⁷ na bwabuna wunka haana mbongu zimene kwe bana basala munzo zii mboongu, nayisa kabuka yii nka umonga zoo ye m'lutaa. ²⁸ Lu hootumuna makuuta, lu haana zoo kwe wuna weza kumi. ²⁹ samu bahaana kwe wuna weza; kakuma zaa ziingi, wuna weke ba hootumuna ata kiina kekiawu. ³⁰ n'saadi wukonda pfunu, lu m'losa mu phipa yii kunziila kuna kukala bidiilu ye n'kwetiisa zii meenu. ³¹ Haana ka kwiisa mwana muutu ye n'kembu yandi, ye ba saantu bakulu, kazakala haana kiiti ki n'keembu. ³² tshi zaakulu zii sangaana kutwala yandi, ka kabisa baana ye ba hiika buuna kakabisa m'huungu ma meeme bankoombu ye ma meeme. ³³ mana kasia ma meeme ku kooku diki taata, ba nkoombu ku kooku diki maama. ³⁴ pfumu kahoya kwe bana bakala ku kooku diki taata, lwiisa benu ka sambuudi taata; lu vwua haata di kipfuumu di baluyiidikila tuuka yii saalama tshii. ³⁵ saamu n'kele ye nzaala lu phele kuudia, ngwiidi nzaala kuunwa lu pheele kuunwa, nmkeele m'nzeenza lu ngiaambi; ³⁶ nkeele kinkoonga lu mvwuatisi miilele, nkeele wubeela lwiisa ntaala; nkeele ku booloko lwiisa ntaala. ³⁷ Baatu ba masongo bakabusi: pfumu, n'kii taangu tuku mweene wiidi nzala; maana tuuku heele maatongo, phe n'kii taangu tuku mweene widi nzaala kunwa mana tuku heele kunwa? ³⁸ n'kii kiluumbu keele m'nzenza, mana tuku yaambi; naa lowa kin'koonga mana tuku vwaatisi? ³⁹ N'kii kiluumbu tuku mweene wubela, na lowa kubooloko mana n'twiisi kwee ngeyii? ⁴⁰ Pfumu bakaambi: yii lukaamba mu maasoga, mbaala zaakulu ziilukala saala maambu ma kwe moosi wunkeeke muba mpaangi ba meme, kwee meene lukala saala. ⁴¹ Mana kabakaamba bana bakala ku kooko diki mamaa: lukatuka kwe mène, lulokaama; lwenda ku mbawu yikonda tsuka baayidika ⁴² Samu di baloki ye baatu baandi. Samu yiikala ye nzaala, luphekooko bima yiidia; yibwidi nzaala kunwa mana luphekooko yii nwa; ⁴³ Yii kaala n'zenza, lu ngiamboko; Yii kaala kinkoonga lu mvwatisoko; Yii kaala wuubela phe ku booloko luntalooko. ⁴⁴ Bahoyaka: pfumu, nkii ntaangu tukumwene nzaala kuudia, nzaala kunwa, na loo kubeela, to ku booloko, maana twisakutaloko? ⁴⁵ Kabakamba: Yii lukaamba mu masonga, mbaala zaakulu zii lukala salooko biima bi kuu mosi wu nkaatika nkeeke, ku meene lukaala salooko. ⁴⁶ baatu ba bakweenda ku mpaasi zi koonda tsuka, mana baaba masoonga ku luziingu lukonda tsuka.