¹ Mu mvula kumi ye tanu zi kipfumu ki Tibele Sezadi, mutangu di kakala poso pilatu ntwadisi wu mavula ma yudeyi, Elodia kilandi ki pfumu mushi galileya, mpangi'andi Fidipo kilandi ki pfumu wu mavula ma Ituleyi pe wu kiziunga ki talakonite, Lizaniasi kilandi ki pfumu ki Abilene, ² pe mu ntangu ba nganga Nzambi ba mitsiku Ana ye Kayifi, - ndinga Nzambi yi yisidi yohani, mwana Zakadiya mu n'toto wu zelu-zelu. ³ Phe weele mu zi tsi zakulu zi kinziunga ki zuludani, yeku longaka mbotika yi ku lolusama yi masumu, ki kuma ki ku katula masumu. ⁴ Mu mpila yi mana masonama mû n'kanda mahoya ma Yezaya, m'bikudi (polofeti): Yene ndinga yi wuna weka yamuka mu n'toto wu zelu-zelu: Lu yidika nzila pfumu, lu singikisa bizika bi kisalu ki ya'ndi. ⁵ Ki wobudi(mpalasi yi sikumuka) kiakulu yi kala yi kabasi, mongo wakulu ye kimongo-mongo ba kulumuna bio; Kina kiene ki mpitakana ba ki sungika, pe zi nzila zina zene mabulu bazi shisikisa. ⁶ Pe n'suni waakulu kamona ma mboti ma Nzambi. ⁷ Ka kala hoyaka kwe batu ba bayisiki mu kibuka mu kusonga ne ba monga mbotika kwe ya'ndi: Kanda di ba nioka, na wu lu longa kutina kuna nkabu ye kwisaka? ⁸ Lu lubula zi mbuma zi konda bifu mu nzila ku lolusama ku masumu, pe lu kadiku mu ku dihoyilaka mukati di benweno : Ntwene ye abalayami samu di taata! mu ku tala yeka lu tendudila mu kati di matadi(baatu) maama Nzambi fwene telemisi bana kwene abalayami. ⁹ Kukadi di soka ba disidiki à misodi mi miti: Konso n'ti wu butoko mbuma zi bunkete ba n'tabula pe ba n'losa ku mbawu. ¹⁰ Kibuka ki batu ki hiudi ngiufu, ba hoyaka: Nki ntu fweti sala bwawu beto? ¹¹ Ka bakabusidi mvutu : Wuna wene ye ba kazaki bola ka kaba ye wuna koondi, diaka pe wuna wene ye madia kasala mpila mosi ye wuna koondi. ¹² Hisa pe diaka ye ba ngalasasi wu kusonga ne ba monga mbotika, pe ba n'samunaka: N'longi, nki ntu fwene ntu sala ? ¹³ Ka bakabusidi mvutu : Lu lutikisiku kiteso ki kima ki hika ne keeko bi balu heele n'swa. ¹⁴ Ba mpumbulu pe ba n'hiulaka: Abeto, nki ntu fwene ntu sala? Ka bakabusidi mvutu : Lu hotumuniiku mukingolo ata bwifi lo pe kwe konso mutu, pe lu sepila ye zina ba lu futaka. ¹⁵ Mu diambu n'kangu kakala mu ku hingila, pe mani bakulu badi hiudiiki mukati di bawu ne yohani ka kaloko klistu, ¹⁶ ka ba kaambi Bakulu: Mene, yeka lu heka mbotika yi maamba, mani keka kwisa, wuna wene ye ngolo zi kimpeve zi mpioki mene, pe yeeku wu fwana mu ku kangula n'singa masabati ma ya'ndi. Yandi, ka lubotika mu mpeve san'tu pe ye mbawu. ¹⁷ Kene ye kisoodilu kiandi ki zi mbuma zi bu nkete ye zi mbi ha koko, pe ka semisa kizika ki yaandi ki ku tetila zimbuma, phe kawongika mi nkeni mi ya'ndi mi ble mu kati di kiswekidi ki mi nkeni(zi mbuma), mana kayoka bi titi ku mbawu yina yi konda zima. ¹⁸ Nkiakina yowani ka kakala mpanzaka tsangu mboti kwe n'kangu, mu kun'heka diaka malendisi mahika mingi. ¹⁹ Mani Elodi kilandi ki pfumu, Kunima ku n'heka mitsiku mudiambu di Elodiasi, n'keto mpangi'andi, pe mu diambu di bima bi mbi bi kasadi , ²⁰ kayika diaka kwe bana ba hika bakulu mambu mana ma ban'kasila yohani mû boloko. ²¹ N'kangu wakulu beka monga mbotika, Yezu pe mongi mbotika; pe, mutangu kakala sambilaka, zilu di kanguki, ²² pe Mpeve Santu yikulumuki ha ntandu yandi mu mpila yi lutu, neti yeembi. pe ndinga mosi yi lubuki ku zilu ye mahoya maama: Wene mwana mene wu tondama, mwe ngeyi tsidi mbundu. ²³ Yezu kakala ye kiteso ki mvula makumatatu mu ntangu yi kayandiki kisalu ki kuteya, kakala, bwoso bayebeke, mwana Yozefu, mwana Ediya, ²⁴ mwana Matati, mwana Lewisi, mwana Meleki, mwana Zanayi, mwana Yozefu, ²⁵ mwana Matatiasi, mwana Amosi, mwana Nawume, mwana Ezedi, mwana Nagayi, ²⁶ mwana Mati, mwana Matatiasi, mwana Semeyi, mwana Yozeki, mwana Yoda, ²⁷ mwana Yowana, mwana Leza, mwana Yolobabedi, mwana Salatiedi, mwana Nedi, ²⁸ mwana Meleki, mwana Adi, mwana kozami, mwana Edimadami, mwana Ed, ²⁹ mwana Yezu, mwana Ediezedi, mwana zodim, mwana Matati, mwana Lewisi, ³⁰ mwana Simoni, mwana Yuda, mwana Yozefu, mwana Yonami, mwana Ediakimi, ³¹ mwana Medeya, mwana Mena, mwana Mantata, mwana Nataa, mwana Dawidi, ³² mwana Izayi, mwana Yobedi, mwana Bozi, mwana Salomoni, mwana Nasooni, ³³ mwana Aminadabi, mwana adime, mwana Adini, mwana Esiloni, mwana Falezi, mwana Yuda, ³⁴ mwana yakobo, mwana Izaki, mwana Abalayami, mwana Tala, mwana Nakolo, ³⁵ mwana sedishi, mwana Lagowu, mwana Faleki, mwana Ebedi, mwana Sala, ³⁶ mwana Kayinami, mwana Alafakisadi, mwana Seme, mwana Nowa, mwana Lameki, ³⁷ mwana Matisala, mwana Enoki, mwana Zaledi, mwana Maleledi, mwana Kayina, ³⁸ mwana Enosi, mwana Seti,mwana Adamu, mwana Nzambi.