¹ Bààna, lu lemvuka kweé bibuti biéno, [mu kati di Pfumu,] samu buna bwène masoonga. ² Zitisa tatààku ye ngudiààku- Kene n'tsiku thete wùù làndani yé kilàshi- ³ mukusia né wu kala ye kiési phè wù zinga thangu ziingi hà tsi n'toto. ⁴ Né kwé béno, ba tààta, lu ba kwàtisiku khabu bààna béno, mana lu batsààsa muna ku bahèkaka di loongi ye mazayisa ma méékè kwisa kwé Pfumu. ⁵ Baphika, lu lemvuka kwé ba loongi ba béno ba n'toto ye bôôma ti ye luzitu lwiingi, ye masoonga mambundu, yàbàka kwé Khidisitu. ⁶ Lusadi bwoko kaka ha thala meso ma bààwu, bwooso ba fweti sala bààtu ba bizolazola mu ku sépidisa kwé bààtu, mana lu lémvuka bwooso ba tsadi ba Khidisitu ba balungisààka luzolo lu Nzambi. ⁷ Lu basadila ye luzolo lu mboti, néti lwééka sadila Pfumu, kééko bààtu, ⁸ yé ku zayààka né kon'so mutu, n'hika tôh mutu kingenga, ka yàmba kwé Pfumu mamboti mààndi makasadi. ⁹ Né kwé béno, balôôngi, lusala phila mosi kwé bàwu phè lu dibatila ku mitungisi, ye kuzayàka né n'lôôngi bàwu ye wùù béno kéé ku zulu ye kuthwala yàndi kwéko ye ndutikisa. ¹⁰ Ku tsuka, ba phangi ba mène ba bayakala ye ba ba khééto, lu dihana ngolo mwé Pfumu ye mu ngolo zi yàndi zààkulu zi bisalu. ¹¹ Lu di vwàtisa mâtà mààkulu ma Nzambi, phasi né lukuka kusimba ye mbùndu ngolo bisalasala bi diabulu. ¹² Ye bwàwu, thwééka tutakanòko mu ku nwànisa mutu, mana mu ku nwanisa zi ngolo, ku nwanisa bipfumu, ku nwanisa ba thwadisi ba biyeka bi luti kitèèso ba n'toto wàndu wù nzila zi phiba, mu ku nwanisa zi phève zi mbi mu bizika bi mazulu. ¹³ Khiakina, lu mònga mâta mààkulu ma Nzambi mukusia né lu kuka ku konda yambudila mu kilumbu ki mbi ye ngoolo zi ku simbama kumbùndu ku nima di ku nùnga biààkulu. ¹⁴ Lu simbama mu ngolo zi mbundu: Lukálà mu luketo lu béno ye makièlèka ha phalsi n'kàba; lu di viika milèlè mi bi béndéwu mi masônga; ¹⁵ lu sià ku makùùlu ma béno hà phalasi di phaba kuhèngakana samu di ku mwànga tsàngu zi ngèèmba; ¹⁶ lu môônga mu bithulumukini biààkulu kisabikilu ki lu kwikilu, ye kina lu fwène lu zimina zimbawù zààkulu zi matôma mà bumbi, ¹⁷ Lu yamba mboti phe phù yi batilààka ki lùùnzi yi lu hùluku ye ku mbèlè phôko yi bu phève, disongidila ndiinga Nzambi. ¹⁸ Lu siààka kon'so thangu bisambu bi buphève ye mabôndédi. Mu bwàna lu kala ye bukhéngididi bwààkulu bu kwiikama ye mu ku sambilààku samu di ba saan'tu bààkulu. ¹⁹ Lu sàmbila samu di mène mukusià né, thangu yi yikàngula n'nwà, ndinga yi phèkama samu di ku monisa ye kutàmbusama diswekamu di tsààngu zi mboti. ²⁰ Diene samu di yandi na yène mbuta wù wééka disongila mu kati di zinzèngèle. Lu sambila mukusia ne yi ma hoyila ye kutàmbusama bwooso yi fweti sadila bwò. ²¹ Mukusià né lu zààya béno phè khi diène diàmbu yé dinà yéka salà, Tishiki, phàngi tôndama wù wène n'tsadi mosi wù n'léémbvu mwé Pfumu, ka lu zààyisa mu mààkulu. ²² Yééka n'hitika yé tswàlu kwé béno mu diàmbu lu kala yé misamu mi bééto mi buthwène phè samu ka léphika mbùndu béno. ²³ Ngèmba ti ye zòla ye lukwikilu bi hànama kwé bà phàngi ba bayakala yé ba bakhééto mu nzila Nzambi tààta yé yi Pfumu Yézu-Khidisitu! ²⁴ Dyèènga di kala yé béno kulu bàná lu n'zolààka Pfumu béto Yézu-Khidisitu mu zola di mosi di ba fwénéko ba béndumuna kètè kwé mutu!