¹ Konso mutu wuna kwikila na Yezu kene klistu, ka butuki kwe Nzambi, phe konso wuna n'zola wuna wu n'buta zodi phe mutu wuna butuki mwe yandi. ² Ntu zeye n'a ntu zola bana ba Nzambi, mu ntangu yi ntu n'zolaka Nzambi, ye phe ntu sadila mitsiku mi yaandi. ³ mu kutala zola di Nzambi diene mu kubatila mitsiku mi yaandi. phe mitsiku mi yaandi mieko phasi. ⁴ Mu diambu biakulu bina bi butuki mwe Nzambi bi monga kinunga ki n'toto, phe kinunga ki n'toto, kiene lukwikilu lweeto. ⁵ Na kene wu mongi kinunga ki n'toto, na keko wuna kwikilaka na Yezu kene mwana Nzambi ? ⁶ Wanduna, Yezu klistu, wu wisi ye maamba phe ye meenge; keko ye maamba kaka, mana ye maamba ye meenge; Phe yene pheve yi phanzaka tsangu, mu diambu pheve yene masonga. ⁷ Mu ku tala biene bi tatu bina bi phanzaka tsangu : ⁸ Pheve, maamba ye meenge, phe bia bi tatu biene ngindu ku ki mosi. ⁹ Na ntu yambaka maambu ma bi mona meso ma ba kwisa ntu samunaka baatu, mana ma Nzambi ma hioki ki teso, mu kutala, tsangu zi Nzambi zi tadidi mu phila ka tendudi ki kuma ki mwan'andi. ¹⁰ Wuna kwikila kwe mwana Nzambi kene ye maambu ma ki mona meso kwe yandiene ; wuna konda kwikila Nzambi ka n'tela ki ngumba, mu diambu keka kwikiloko mu mambu ma ki mona ma ka songidi Nzambi kwe mwan'andi. ¹¹ Phe tala mambu mene ma ki mona meso, meka songila na Nzambi ka ntu hele luzingu lu konda tsuka, phe mana luzingu lu konda tsuka lwene mwe mwan'andi. ¹² Wuna wene ye mwana kene ye luzingu; Wuna wu konda mwana keko phe luzingu. ¹³ Yi lu sonikini bima biabi, mu ku songa luzaya na lwene ye luzingu lu konda tsuka, beno ba lu kwikila mu zina di mwana Nzambi. ¹⁴ Ntwene ku ntwala yandi ye kiitu, ye na ntu lomba kimi ki mosi mu phila lu zolo lu yandi, keka ntu wa. ¹⁵ Phe na ntu zaya kene mu kati di ku ntu wa, kima ki mosi ki ntu lomba, ntweka yaba na ntu mongiki kima kiene ki ntu n'lombi. ¹⁶ Na mutu ka mona phangiandi sadi disumu di di nata'ku ku lu fwa, ka sambila, phe Nzambi ka hana luzingu kwe phangi wana, ka lu hana kwe bana ba sala masumu makonda nata ku lu fwa. Yene ye disumu di mosi di nataka mu lu fwa; keko ki kuma ki disimu diana yeeka lukaamba lu sambila. ¹⁷ Ku konda ku masonga kwakulu kwene disumu, phe hene ye mbandu yi disumu diadi di kondaa nata ku lu fwa. ¹⁸ Ntu yebe na konso mutu wu butuka kwe Nzambi ka nata'ku disumu; Mana wuna butuki kwe Nzambi ka dibatila yandiene, phe masumu ma n'telaaku. ¹⁹ Ntu yebe na ntwene bana ba Nzambi, ye n'toto yandikulu ka diatisami mu ngolo zi pheve zi mbi. ²⁰ Ntu yebe phe na mwana Nzambi wusiki, ye ka ntu hele mayele mu diambu ntu zaya mambu ma masoonga ; phe ntwene mukati di masonga phenza, mwe mwana yaandi Yezu klistu. ²¹ Yaandi wene Nzambi wu masonga, ye lu zingu lu konda tsuka. Bana ba ndende, lu di batila ku bi Nzambi Nzambi.