¹ fɔn fɔn sani diɲɛ ji da dan len komi ni jɔn na tari yen na yen Vamara ɲi tan na jɔn na ke Vamara'a. ² Na yen Vamara ɲi tan fo ɲimɔa were. ³ Yii lakala vari o wa ya, yii o yii vari na pɔyi yi vari ni ka wa ba. ⁴ Sa yɔ ya yen o wa won, na sa yɔ ya ke la la pola. ⁵ na pola ni biri pola tan bino la won, na ce tan bino la ye siɲ na tan ma. ⁶ Vamara babu ba darɛ na yile Zan. ⁷ Na ko da sɛrɛ na o da na po la la sɛrɛ na, Na ce la la lakala da lanaya o sɛrɛ la pan won. ⁸ Zan se ka na pola la ba, kanaba o koere kun yen na pola la sɛrɛ na. ⁹ Na pola ke pola cincana o koan diɲɛ won o bri pola la lakala na ¹⁰ Na jɔn ye diɲɛ won. Diɲɛ da dan na yan, Na ce diɲɛ ye o wa ɲini ba. ¹¹ O kɔan o se ju yala yan, Na ce o se ju yala ye sin tan ma. ¹² Hali na lakala, le ma siɔn nɔ an na da la na, o nɛ pan na ya lakala na o da na Vamara bio na. ¹³ O ye lurɔ ɲimini zolon bio la lura cogo yɔrɔ ma, O ye lurɔ zolon bio la sago yan ma wala balo sago pan won ma, Vamara lurɔ na. ¹⁴ Na jɔn na da lo na o jinɛ e na sɛrɛ la. Epa sumu na nɔrɔ la na na nɔrɔ lurɔ o bi ba lo bitën o le lurɔ e Ɲina Vamara yan o ko vɔ ni pɛ yi na ni tiɲɛ na. ¹⁵ Zan ɲamɔ o sɛrɛ la, o pasari ni wo: Mɛ ɲamu balo lɛ cu ma lɛ ji ko wa dapɔn, na da mɛ ci le, na yile na sani mɛ ji lurɔ o yen so wa. ¹⁶ Ko vɔ ni le na epa lakala na na dari, na ni duba da fara duba bɛn. ¹⁷ Vamara na tɔn epa na Musa pan won, na ce pɛyi na ni tiɲɛ kɔan Yezu kirisa pan won. ¹⁸ Lo pɔyi ye Vamara na fiyeu. Fo o bi balo bitën le lurɔ o ɲina Vamara yan, na ke Vamara se, na bɔrɔ se. ¹⁹ Ka Zan sɛrɛ la ni so na Zuruzalɛm na ni Yahutuw na ni saraga biri cala dari na ni Levite dari an na babu na len were la an na busu ni wo: Wan ke wele? ²⁰ A ɲama tiɲɛ, O ye ɲi lamise ba, na ce o bɔrɔ se o purumu, a na lakala sa nɔ ni wo:Mɛ ka kirisaba. ²¹ A na busu ni wo: haya o ye ɲɛ ni ɲɛ? wan ke Elie? Zan ni wo:Ni ayi, ni mɛ ka na ba, ni wo: n' wan ke tön bi la wa? o zamise an ɲi ni ayi. ²² A ɲamɔ o. na ni wo:Haya wan ke, le ɲamu na epa na, haya apa n' nɔgɔ dari n' ya , e wa na ɲamɔ e ba ba ca la na. Ni ɲimi ben na n' ma wo? ²³ Zan zamisa an na ɲi ni wo: Ba le ni pasari gan wulu la won ni wo: A cɛnsa ɲɔci la ce na? O wa ke na ci la kole. Tön bi Ezayi ɲamɔ ɲan le ɲɔ. ²⁴ Le ma ba bu o wa Zan ya Fariziɛn dari ya'a, ²⁵ Na ya busu ni wo: Ni wan ka kirisaba, wala Elie, wala tönbi, ben ce wan ni fɛri la la? ²⁶ Zan zamisa an na ɲi ni wo: M ɛ ji an na fiyɛ mi na wo, na ce dari yen an na sɛrɛ. Apa ɲinɛ na ci ba. ²⁷ Na ji ko mɛ dan, Na ce mɛ mɔnɔ na a pulu o la la wini mise. ²⁸ Na mala lakala da Bɛtani, Jurudɛn lo la dapɔn, Zan ni fɛri la la tan le nɔ na. ²⁹ Na tɔn zara, Zan san na Zezu koere ciri o yan: Ni wo: Vamara pisi bi le ni turɛ diɲɛ magɔsɔ la o biri na so na. ³⁰ Na ɲimi ba le jɔn na le ni koe mɛ dapɔn, na da mɛ ci le, Na yile na o tari yen sani mɛ ji lurɔ, ni so wa. ³¹ Mɛ ye na ɲini ba. Na ce mɛ ko la la fɛ mi na won na yile na yele o bɔrɔ Israyɛli na. ³² Zan ɲamɔ o sɛrɛ ni wo: Mɛ san na Vamara kunmara la cusa ciri o lurɔ vɔn na ko cusu bɛn dama zani tuba, ³³ Mɛ tari ɲunu o wa ba, Na ce Vamara, le ba bu mɛ ni mɛ fɛ la la min na won, a na ɲamɔ mɛ na ni wo, ni mɛ ni na Vamara kunmara cusa ciri ba le bɛn, na ni fɛri la la Vamara kunmara la na. ³⁴ Mɛ sa nɔ a biru sɛrɛ ni so ke Vamara bi la. ³⁵ Na tɔn zɔra, Zan na ni o kalan bio la ɲii zangɔlɔ yen sema, ³⁶ An na san nɔ Yezu kuri ciri Zan ni wo: Ka Vamaara pisi bila ! ³⁷ Zan karan bio la ɲii an na nɔgɔ jɔn le la an na cun gunu Yezu dapɔn. ³⁸ Yezu lamisi sa nɔ an cunguni y'o dapɔn, O busu an na ni wo: apa ni kuiri ben ya? An na ɲamɔ a sɛlen ni Rabbi (na tan ni karan ɲun ci), ni cuso ye ze? ³⁹ O zamisa an na ɲi ni wo: A kɔan sumu na. An na wɔrɔ yan,an na nɔ cusa nɔ,an na da wɛn na tɔla o yan. wɛn zoeri tɔla. ⁴⁰ O karan bio la ɲii le ma nɔgɔ Zan jɔn na an na cunguni Yezu dapɔn, An na won tën Simɔ Pɛri ni o ɲi bi Andre. ⁴¹ Andre da fɔla o ɲamu jɔn na Pɛri na wo: Epa sa na Masiya. ( Natan ni e ɲɔci.) ⁴² O wara na Yezu yan Yezu sumɛn Simɔ na: O waa ke Zan bi balo Simɔ na. N' yile je ce ni Sefasi ( na tan ni Pɛri, sɔa para.) ⁴³ Na tɔn zɔrɔ, Yezu co a se won n'a wo ja Galile zamana la won. O wa ni Filipi zamise da ɲɔ a ɲamɔ, a sɛ le cunguni mɛ dan! ⁴⁴ Filipi na ni Pɛri ni Andre an na lakala lurɔ Bɛtisayida zere la won. ⁴⁵ Na da, Filipi sa na Nantanayɛli na, o ɲamɔ o sɛ le ni wo: Moïse gɔn vari le ma won tɔn na won, na ni tönbi le ma gɔn o ma won apa sa na na Juzɛfu bi balo Yezu wa. o lurɔ Nazɛrɛti. ⁴⁶ Natanayɛli ɲamɔ na ni wo: yi cana glɔ o lurɔ Nazɛrɛti wa? Filipi zamuso o ɲi ni wo: ko sumu na. ⁴⁷ Yezu sa na Nantanayɛli len were la, ni wo: Israyɛli lo sɛbɛ darɛ ni so na ɲɔkuru pɔyi t' o ma won! ⁴⁸ Nantanayɛli busu ni wo: N' ɲini mɛ ze?Yezu zamise o ɲi ni wo:Mɛ sɛ yi wan bɛ wɔgɔ ɲi tan, Sani Filipi ji komina. ⁴⁹ Nantanayɛli ɲamɔ na ni wo: Karan ɲun ci, ni wan ke Vamara bi ya, wan ke Israyɛli pa! ⁵⁰ Yezu zamuso a ɲi, ni wo: Mɛ ɲamɔ n' sɛ le ni wo: Mɛ sa ɲi bɛn o jɔn n' bran wɔgɔ ɲi na tan, na yile na n' da lanaya wa? N' sa je ma mumurɔ na n' kɔrɔ so ya bɛn! ⁵¹ O ɲamɔ na camu camu ya mɛ ji ɲamɛ n' na ni wo: N' sa je van na ɲi puru na n' je Vamara mɛlɛkɛ ya la jira'a ciri na ni cusa ciri na lo bi balo la bɛn.