¹ Mɛ Poli kirisa yezu ton bi vamara bɛlɛ yile pan won o mɔni sayɔya ɲi cirɔ na. na le yen kirisa yezu yan, ² mɛ ni bebi so varo so n na mɛ bi blo le ma ɲɔ mɛ na, Timɔti, e ɲina vamara ni ni Eci kiris yezu o pɛ yii na ni o makari na ni bɛlɛ zulu mɛ na. ³ Mɛ ni de vamara mawali, mɛ n de wali na le na bɛlɛ poromu na, dama mɛ turɔ ba ya dɔ yan le ɲɔ. Mɛ jɔnrɛ yile ɲama ɲe tan ma mɛ vazira won yala na ni wɛn tan. ⁴ Mɛ yiri yen n san mini bri a la ko mɛ yoyan ci cana a sa nɛ yele mɛ bɛlɛ ɲɔma la ɲe pusɔrɔ o kɔrɔnɛ. ⁵ Mɛ yiri yen lanaya cin cana la won. na lanaya tari yen n tura lois yen na won fɔn fɔn, Unisi won. ko poro o won. Ni wo o yen o se mu ya. ⁶ Na ce a de haciri cuse nɔ ni wo n na vamara pɛ yile nɛ ciri bɛn ce na pisan la ɲi, ⁷ naa yilena vamara yen pan cingile bɛlɛbi nɛ epa na ba, fo pan na ni ma ɲɔma ni ɲina bɛlɛbi. ⁸ Ba pan cigele da n bri sɛrɛ ba E ci ma won ma. ba da ci mɛ mu ma won ma, mɛ le ke wa kasu won lo na. naa turɔ n tele penmɛ ma la won jɔn ɲɔmɔ la yilena o mɔni n vamara pan la na ⁹ O wa da epa kirisi o ce epa tele na. o yen da epa wali yilena ba, fo o se ma ɲi tan cira yilena, na ni o pɛ yii la le nɛ epa na kirisa yezu won sani diɲɛ ji ɲe ji mɔɔ. ¹⁰ E kirisi ci kirisa yezu o bɔra na pɛ yii la bisaso, nayilena o wa zɔw cimɛ na pan, o da sayɔya na ni fɛla bɛlɛ ya bɔru po la won jɔn ɲɔmɔ la yan. ¹¹ Na jɔn ɲɔmɔ la yilena mɛ cɛn sa a da wajuli dari ci na na ni ton bi na ni karan ɲunci na. ¹² Na yilena mɛ nɛ pɛnmɛ so ma ya so na, naa mɛ dere ci na na ba, sabu mɛ da la len na, mɛ ɲini na. mɛ da le karifɔ o wa san, mɛ da la o na ni pan yo won o zɛn na foo zuara wura. ¹³ Mɛ ɲamu jɔn poro lema n na, da na bɔɲɔn ko zɛn na jɔn na lanaya ni kanuya won. Naya lema yen kirisa yezu san. ¹⁴ yii cana le da karifɔ n san, zɛn na Niisenu pan won, o wa le jinɔ yen e na po won. ¹⁵ N ɲinu ni wo Azi la la lakala juan mɛ bran, ka na dariya Fijɛlɛ ni Hɛrɛmojɛnɛ ¹⁶ E Ci da makari Onɛsifɔrɛ guso won ca la san, sabu o zure mɛ bɛlɛbi bisa jaani. O yen da ci mɛ kasu won zuan ma la san ma, ¹⁷ naa o yii Rɔmɛ lenwere, o kuiri mɛ nɔ ya foo o korɔnɛ o na mɛ. ¹⁸ Eci o da o na makari E ci yan were la zura wura. o vara mɛ ma yii jaani lema na o jɔn Efɛse, wan ɲini naya o kɔru la lakala bɛn.