¹ Na yilena, e mɛ bi balo, pɛ yii lɛ yen kirisa yezu yan, kɔrɔgɔ n bɛlɛ bi na san. ² wa nɔgɔ jɔn le mɛ len sɛrɛ jaani ni sa tan, da na karfɔ lanaya lo dari san, na ya le ma gulɔ a da lo buru karan mu. ³ Turɔ n tele pɛnmɛ ma la won, dama ni wo kirisa yezu sɔrasi cana. ⁴ lo len ni ja sɔrɔsiya dari nɔ, o dere tasi diɲɛ ma na seba, ni o yoyan o ma ɲɔmɔ o ɲunci la na. ⁵ lenma lurida na nere zala ba fo nɔ dɔ o dari ko la tomi. ⁶ Gariguan ci le n de wali na ko kani nɔ tele ɲa fala. ⁷ Mɛ ni ɲemi le, da tasi na na, naayile na Eci je haciri nɛ n na n ɲnɨninaa lkala tan. ⁸ Ce n yiri yezu kirisa san. Dawuda bobi ya. o sa kɔra o lurɔ cɔ yala sɛrɛ o mɔni mɛ jɔn ɲɔmɔ ɲama la na, ⁹ na jɔn ɲamɔ ɲama la yilena, mɛ yen pɛnmɛ won foo mɛ ka vɔn ni cɛrɛ wini na dama ma gɔsɔ dari ci. naa vamara jɔn na ko vɔn ba. ¹⁰ naa ce mɛ n de ma lakala muɲu vamara sa tɔsa la yilena, na yilena kirisi len yen kirisa yezu san, na mu na na na ni lenbe le zoere ba. ¹¹ So jɔn so ko poro ni wo: Ni pa ni kirisa cua da yan. epa ni wa ji sayɔya na ni da na mu. ¹² ni epa ni de muɲu foo zɔra wura, e je jinɛ o paya wo o yan. ni epa ni pare ɲi o san, o wa mu jo ɲi pare e na san ni ¹³ epa ja da kole ten ci na ba, owa ji tamɔ kole ten san, o gulɔ pare ɲi o se san ma. ¹⁴ cusu la la haciri naya ma n ɲamu a na na o kɔrɔgɔ vamara sɛlen ni wo a ba ɲukɔrɔ ce jɔn jaani san ma. Na vele pɔyi fo o ce na ya ca legere won. ¹⁵ wan da ban ba n bɔrɔ n se vamara na dama wali dali ce na yile cana, ni ci ma to wo ma. o bri cɛn jɔn na da won ci cana. ¹⁶ Bri n se diɲɛ tan jɔn beku ɲama la san, sabu ben na na ɲama ca la ni jaa cilaya vamara sa ci len sua ca bɛlɛ na. ¹⁷ A na jɔn ɲamɔ la yiri kunmaan dama nama cɔ. Na la la dari ni nɛ so na Himɛnɛ ni filɛtɛ. ¹⁸ na ya jangala a lurɔ cɛn la san a na ɲamɔ ni wo ni cɔ sa kɔarada o zɔw a na ɲɛna la dariya lanaya. ¹⁹ Naa lakala won vamara ce lori le tan, o banbani tama. so jɔn so guan o bɛn ni wo: Eci ɲinu o ɲini yala, na ni wo: Lo wo lo ɲemi Eci yile, n buru se cɛn sa bɛlɛ ma ya la san. ²⁰ guso murɔ won wuru yala dan ka wari ni sanu dan ma naa duru wuru na ni tari wuru mu yen. darɛ n de coceri yilena dari n de bara gɔsɔ y ilena. ²¹ Ni lo len n de se mu se o bri se naa mayala won, na ji da wali dari yii cana na, na ce tele vamara na o poromu, na ji da ma vermi wuru na E ci na, o se ko varɔ wali cana lakala yilena. ²² Ni sua n kemere were lege la cile. lema ni n ziri Eci ni bɛlɛ bi poromu na, wan ni naya cɛnse ni lanaya ni maɲɔma na ni hɛrɛ. ²³ naa n da ban haciri temele ya san ni ɲɔkɔrɔ bɛkuu, wan ɲinu ni wo na zoge wuru ya. ²⁴ Eci wali dari ci o cana o da weri cira ci na ba. o da lo bɛlɛ zura ci na la lakala na, o ɲini la la karan ko, n da muɲu. ²⁵ o zo san o da ɲɔkɔrɔ ceri cala karan, yala ni vamara ja zen n san bɛlɛ bi a na na yile ji da a na gula a ɲini cɛn, ²⁶ a na na haciri a na lurɔsuntani garanga la won. o waa muan a na o co se bɛlɛ yile dari nɔ.