¹ Luenyelu gutshigina gudi diago guhaga matangi ha guheta ima yagasue itudi mudifelela diago guheta. Ndaga ya idi giamatshidia mukunda nu ima itushigo mumona luenyelu. ² Ndag ya idi mukunda ngenyi akhakha etu azanguwe mukunda nu gutshigina guawo. ³ Kumbi diko, tudi mujiya egi gifutshi gia fugiwe mu gutuma (mukhuala) wa Nzambi, ha gula egi gukhadigo nu gima giago gidi mumonewa gialondewego nu ima idi mumonega. ⁴ Idi mukunda nu gutshigina hene Abele gahanene gua Nzambi mulambu umoshi wabalega gubonga gu wa Gayino. Yakhalele mukunda nu ngenyi gatshiginyishiwe egi udi yagiamatshidia. Nu Nzambi wamushimanene ha ndaga ya musomo wenji. Nu mukunda nu gutshigina, Abele you muzuela uvi muene wafuile gale. ⁵ Idi nji mukunda nu gutshigina hene Enoki wakanduishiwe nu monyo nu gamuenenego gufua. << gamuenenewego luko, ndaga Nzambi wamuzanguile nu monyo.>> Ndaga ya gutuama dia muene gukatshiwa ya guzuelewe mukunda nu muene egi wakhalele musuanguluisa Nzambi. ⁶ Gula gutshigina gutuhu, idi yakola hagusuanguluisa yago udi gumusuanguluisa. Ndaga ya yagasue udi muza gudi Nzambi udi nayo gutshigina egi Nzambi you nu udi muhanyi wa gishimbigo gua ago adi gumukamba. ⁷ Idi mukunda nu gutshigina hene Nowa wakhalele yago wadiangele gale guwambelewa gudi Nzambi mukunda nu ima yakhalelego mumuenega nu woma wa unzambi watungile wato wakoma mukunda nu guhuluisa enya giphuta gienji. Ha gutshita ngenyi ahanene lubelo gu iphuta yagasue ya ha mavu nu abuile ahinganyi a giamatshidia gidi muza guttshigina. ⁸ Idi mukunda nu gutshigina hene Abalahama hago hamutamegewe watumaganene wayile gu khanda yajiya guzudiwa mu uhingani. Wayile nu gujiya ndo gui gadi muya. ⁹ Idi mukunda nu gutshigina, hene wakhalele mu mavu a mutendelewe gifua munjenja (giyi) mu mavu angane. Watungile gosha matenta a Yakoba nu Izaka, Yakoba ahinganyi a laji diene dimoshi. ¹⁰ Yei yagasue mukunda nu wakhalele munenga fondasho ya Dimbo dia masamba diago didi muhanyi wa matangi nu mutungi wadio udi Nzambi. ¹¹ Idi mukunda nu gutshigina, hene Abalahama wahetele uhinyinyi wagudianga gumita nga Sala muene hakhenji wakhalele gikunya. Yene inyi yajile nga tshima muene wakhalele wa ivo yabalega guvula ndaga ya ene akhale muzangula yago wakhalele gifua mutageneshi wa yagasue, yago wahuile laji diene. ¹² Ngenyi mukunda nu muthu you yago wakhalele a hehi nu gufua wabutshile athu avuka gifua themua gosa, gifua gishegele mu khulogogo ya muta wa meya a mungua ya gula muthu gajiyilego gutanga. ¹³ Agasue ago afuile mu gutshigina. ahetele malaji. Mu guzuela gua bonga a amuenene nu a ahuele lumene gua leha gualeha, a ajiyile egi adi anjenjia nu abalegi a holu dia mavu. ¹⁴ Ndaga ago adi muzuela ndaga jia luholo luene lunu, adi mudijigo diago egi adi mukhamba thundu yawo mukunda nu ene. ¹⁵ Mu ngenyi, gula nga akhalele nu gumona gua dimbo diago diakatugile, nga ahetele luholo lua guvutuga. ¹⁶ Ngenyi, atshiginyine dimbo diago diabonga didi dia gosa. Ha ndaga eyi Nzambi gashigo nu musonyi wa gutangewa egi Nzambi yawo ndaga walondelele dimbo dimoshi dia masamba didi dimbo diawo. ¹⁷ Idi mukunda nu gutshigina hene, Abalahama gu ngima dia gulolewa (guphagewa) wahanene Izaga. Wakhalele munenji mumoshi yahanene, muene yago wahanene, muene yago wahanene munenji wahetele malaji. ¹⁸ Yakhalele gudi Abalahama yazuelewe: << Idi mukunda nu Izaga mbaguzoga a mu jigo (vumo) diaye. >> ¹⁹ Abalahama watangijile egi Nzambi wakhalele watagana ha guzugisa Izaga gu gufua mu luholo luago luakhalele muene hatomo, wamu hetele gu mangima. ²⁰ Idi mukunda nu gutshigina hene, Izaga wahanene guzela muila gudi Yakoba nu Ezawu mukunda ndaga jidi muza gutuama. ²¹ Idi mukunda nu gutshigina hene,Yakoba hago gafuile, wahanene guzezela muila gudi mona yagasue muna Yosefe. Yakoba wafugamene, wazegemene gu songi ya muhango wenji wakhalele nawo. ²² Idi mukunda nu gutshigina hene,Yosefe, hakhalele gisugishilo gienji musuena hehi,wawambelele ana a Isalele egi ha gukatuga guawo mu Ejipitu nu wahuile mukhuala ha ene guzangula mifiya yenji guya nayo nu ene. ²³ Idi mukunda nu gutshigina hene Mose, hago hakatshiwe muene, wasuegewe mbeu jitatu gudi ibutshi yenji ndaga ya amuenene egi wakhalele mona ya balega gubonga. Akhalelego nu woma gu mukhualab wa Fumu yago wakoma Palo. ²⁴ Yakhalele mukunda nu gutshigina Mose ha kudile muene watunyine ha gutamegewa egi mona yala ya mona mukhetu ya Phalo. ²⁵ Uvi mu guzuela guabonga, watombele ha muene gumuenesewa lamba nu a mu gusuanguluga go mu gusuanguluga gua gubola mukunda nu hugo dimoshi. ²⁶ Watombele musonyi ha gulandula Kilisto gifua umonyi wabalega gukoma uvi ndo umonyi wa mu Ejipitu ndaga wahagele meso enji khuta gu ima yago yajiya gumuhuwa gu tuama. ²⁷ Idi mukunda nu gutshigina hene Mose gakatugile mu Ejipitu. Ngavuilego woma wa Fumu yakoma uvi wajigamene (wadindamene) gua yago ganamuenewa go nu meso. ²⁸ Idi mukunda nu gutshigina hene gabambele gufua nu guzuga gua Yesu gu gufua nu gumbiwa mu mahatshi ha gula egi yago wana manesela gushiya ana asomi, gakuatshigo ha gamasela ana a somi a enya Isalele. ²⁹ Idi mukunda nu gutshigina hene azawugile meya alababa gufua holu dia mavu agimigina. Haga hatshiginyine enya Ejipitu gualandula, agasue atshuigiwe mu meya. ³⁰ Idi mukunda nu gutshigina hene luphanga luakola lua utadi lu gu Yelego luabuile gu ngila dia ene gukhala a gujetewa mu masugu sambadi. ³¹ Idi mukunda nu gutshigina hene Lahaba mukhetu ya ndumbu gakhalelego yagutota hamoshi nu ago akhalele go ashagi, ndaga ya wazanguile ago atumiwe mukunda nu gusonga mu guhuima. ³² Nu itshi iko ngajiya guzuela luko? Ndaga ya mba ngukhadigo nu kumbi dia guzuela mukunda nu Gedeon, Balagi, Shimishona, Yefte, Davidi, Samuele mu ba profete ³³ ago mukunda nu gutshigina atambuile membo a ufumu, atshitshile ndaga jia giamatshidia nu azanguile gutendelela. Abategele makano a khoshi. ³⁴ Ajimine ngolo jia tshuya nu adihuluishile gu mazo a phogo, akhalele agusagesewa gu misongo, abuile enya gutema (enya ngolo) gu ita nu ahagele jiphushi jithundu jia mata a anjenjia. ³⁵ Akhetu asoluele akuakuawo, afuile mu guzugishiwa gua gu gufua. ³⁶ Ako akhalele agusagesewa, atshiginyinegobakhale agubembewa, mukunda guyiya muabonga guzugishiwa gua bonga gua gu gufua. Ako alelewe nu awasewe tubama nu muene mu malenge nu mu gumbiwa mu bologo. ³⁷ Asonewe jiseso, abatshiwe nu jisiyi itshinyi iyadi, akhalele agubatshuwa miminyo nu jiphogo. Akhalele guogu nu guogu agusudigiwa ilema ya imeme nu ya khombo, a guminyiwa (gutunyishiwa yagasue) nu luhungu nu gusagesewa. ³⁸ ( Ene ago, enya ha mavu akhalelego agutagana) adisuegele mu ibonda (mavu agimigina) nu mu milundu, nu mawina a jiseso nu mu ako a mu mavu. ³⁹ Nga athu ene agasue ajiyiwe gudi Nzambi mukunda nu gutshigina guawo, azanguilego yi akhalele nayo ya guheta. ⁴⁰ Nzambi hamuenene egi gudi gima gimoshi giabonga mukunda nu esue, ha gula ajiya guwovewa esue ndo.