¹ Paula mupostolo (Ndo mupostolo mumoshi ya athu nga mukunda nu muthu, uvi mukunda nu Yesu-Kilisto nu Nzambi, Tata wamuzugishile mukatshi dia agufua) ² nu aphangi agasue adi nu ame, gudi ikombelelo ya Galatiya. ³ Uvi ngasa ikhale gudi enue nu guhuima gudi mukatuga gudi Nzambi Shetu nu Fumu wetu Yesu-Kilisto, yago ⁴ wadi hanene muene hakhenji mukunda nu gubola guetu mukunda nu gutujitulula ndaga hugo diedi (masugu wawa) diabola luholo luatshiginyine Nzambi nu Tata. ⁵ Gudi muene lutumbu lukhale gua mayilago nu mayilago. ⁶ Ngudi mudihula hagumona egi mudi gudikatula enue hakhenu muphushi muphushi ( gatshididi gatshididi) gudi lukuma luko. ⁷ Yeyi ishigo muzuela egi gudi lukuma luko, uvi gudi athu ako adi gumuvunganesa (gumimbila mvunze) nu atshigina gubolesa lukuma lua Kilisto. ⁸ Uvi nga esue muene, nga Anjelo a gosa amuwambela lukuma luko gu luago lutuamilongesele, akhale ya gutewa mukumbu. ⁹ Gifua mutuamiwambelele mu masugu abalegele, na luenyelu ngudi muzuela luko: << Gula muthu muko wamiwambela lukuma luko gu luago lumuatshiginyine, akhale ya gutewa mukumbu>>. ¹⁰ Mukunda na idi luenyelu tudi mutshiginyisa athu a ngudi mukamba nganga gua Nzambi? Ngudi mukamba ha gusuanguluisa athu? Gula ngudi mukamba ha gusuanguluisa athu ngushigo mutshitshi wa mudimo wa Kilisto. ¹¹ Mukunda nu angatshigina egi mujiye egi anetu angawambelele (angalongesele)à ashigo mukatuga gudi athu agituhu. ¹² Ngayizanguilego gudi muthu, nga gua ngulongesewe. Uvi yakhalele gudimuenegesa gua Yesu-Kilisto gudi ame. ¹³ Muavileguzuelewa gua ukhalelo wami mu masugu agungima mu ndaga ya enya Yuda luholo lungakhalele mushiya khenda ndo, Ekelejiya ya Nzambi nu guyimuanga. ¹⁴ Ngakhalele muya gutuama mu ndaga jia enya Yuda, uvi ndo gu ndaga jia aphanjiami nga enya giphuta giami. Ngakhalele diago nu gudihala mukunda nu luholo lua ashami. ¹⁵ Uvi yasuangulushile Nzambi ha gungutomba sendesele mu vumo dia ginami (mama). Wangutamenegene mukunda nu ngasa yenji ¹⁶ mukunda nu gudijige (nguwambele) aphagani. Ngakudilego nga muila nga mahatshi. ¹⁷ Ngakandugilego gu Yeluselema gudi ago adiangele gubua apostolo gutuama diami. Uvi ngayile gu Alabiya nu ngavutugile gu Damas. ¹⁸ Nu gungima dia ivo itatu ngakandugile gu Yelusalema mukunda nu gujiya Sefas nu, nu ngasalele masugu kumi nu itano nu muene. ¹⁹ Uvi ngamuenenego nga apostolo muko ya mukatshi diawo, khuta Yakoba panjia Fumu. ²⁰ Ngudu gumiwambela diago gu tuama dia Nzambi, mu ndaga ji ngamisonegena, ngushigo mumba mambo. ²¹ Nu, ngayile gubkhanda ya Syriya nu gu Silisi. ²² Ngakhalelego ya gujiyiwa gudi Ekelejiya ya gu Yuda yakhalele mu Kilisto. ²³ Uvi yakhalele khuta munenga <>. ²⁴ Enya Kilisto atumbuishile Nzambi mukunda nu ame.