¹ Luenuelu anetu, tulombelenu hagula mbimbi ya Nzambi, mukunda mbimbi ya imuangane mu membe agasue nu hi tumnbuge, gifua idi phila gudi esue. ² Tulombelene hagula tukhale mago a athu abola mitshima ndo ndaga ya athu agasue ashigo nu gu tshigina . ³ Uvi Nzambi hudi nujikhenda, udi gugu vutula munjila nu mugu bamba, gu ma phaphu enji gudi athu abola. ⁴ Tudi gudifelela gudi Nzambi, mukumba nu henue. Yiyi enue mutshita mudine gudihana mugutshita ima yuiyi gami wambelele. ⁵ Luenuelu munetu, tudi gumihaga mu mulongo munzila dia fumu Yesu Klisto, mukhadigo gudi bungisa na ho, adi mujinga mu gima gishigo mikuala wa Nzambi muzuela, hihi mua hetele gudi esue. ⁶ Nzambi akhale nu mitshima yenu amituameze. ⁷ Ndaga ya mudimujiya egi, guidi ana hagumu tetesa, ndaga ya esue tushigo udi hana ndo , mugutotelese wa nga hatu enue gukonda matshi. ⁸ Tuadile ima yagi thuhu,ya ngane ya athu. nu hene tua tshitshile midimo phipha nu muanua mu malamba akola ha hene tukhadigo ginemo nga mukunda nu enue. ⁹ Tua hi tshitshiyilego mukunda tua tshitshi khuta ha gu khala athu agutetesewa gudienue nu hahene mua lunga athu a gutetesewa mu ndaga agula muajiya nu henue ¹⁰ Kumbi tuakhale nu enue tua mi zuile nsua ''gula muthu watuma gu tshitha mudimo, gaashi go mudia'' ndaga tua vi egi athu ako ashi mu tshigina mutshita mudimo. ¹¹ Ha hene washi mutshitha mudimo, adi enue humolo. ¹² Ahene mukunda nu athu wawa tudi gu halomba nu gu ahua jia Nzambi Yesu Klisto hagu tshitha mudimo nu gu tuluga gua mitshitshi ¹³ Uvi enue anetu mudi bembi go hagu tshitha ima bonga,gukhala hakatshi dia muthu nu muthu. ¹⁴ Gula muthu gashigo mutumaga gu mbimbi jiethu, mu mukanda huhu, mukatuga hehi nenji, nu mu bungisa ndo nenji. ¹⁵ Mu muzudigo difua muenua kikembe. Uvi mubelenu gifua panjienu. ¹⁶ Nzambi muene hakhenji amihue gu huima mukumbi diagasue mu hima ya gasue,ha khale nenu agasue. ¹⁷ Ame Phaula ngudi gu mi hua lumene ha mago ami, gifua nga na huhitshita mumikanda. ¹⁸ Hane khenda jia fumu Yesu Klisto gukhale nu enue.