¹ Luenuelu tudi lomba munetu mukunda nu gusa gia Nzambi Yesu Klisto nagudi fana nenji: ² Hagula mukhadigo yagu disagesa mu matangi nu mugivule nu gumbimbi nga gu mikanda, mbagituzila,hayene hagujiya, egi mazugu a Yesu alunga. ³ Nga muthu gagubuishigo nga muphila iko,ndaga ya, mbaishigo gutuzila lusugu mbalusa, ikombeledi ya iko. Muthu gashigo nu lukuala ajiyiwe, muna muboleshi. ⁴ Udi muthu you udi mumagenena athu nugu sugar gutuama dia, huluna ima ya thatu adi muwenda nu Nzambi nga adi mufugamela, henya adi mu khala mu tempelo ya Nzambi, gudijiga gifua Nzambi. ⁵ Mutshi muhunguluga egi gamidijigile ima hihi, hangakhalele nenu? ⁶ Luenuelu mudimujile gima gidi mugu, Hagula Iyoya eni mu makumbi amoshi. ⁷ Ndaga ya enua midimo ya gushaga idi galemu midimo, gudi nu muthu udi gu ikwala mukunda nu luenuelu gudi muthu udine guhukuata mukunda nu luenuelu, nu mbaga kutuwa munjila. ⁸ Nu hene you gashigo mutamaga mumikuala mbau jiyiwa, fumu Yesu mba uyi shiya gu muhehe ya kano dienji fumu mbau huyi zondesa mu githugu ha mba aza. ⁹ Guza gua enua gubolesa mbaikhala yagu jiyiwa mumidimo ya satana, mungolo jia gasue. Mu hilembo ,nu midimo ya bola yagu tshita ima ya gu thuga. ¹⁰ Nu mambo aho agasue, nu gu sagesa athu adi nu gaphunu gua bola. Ima hihi mbayi khala gudi athu agu tota,ndaga ahetele go guzumba gua diago ha hene a huluishiyee. ¹¹ Mukunda nungeni, Nzambi udi gu tutuameza gutulemesa. Hagula mutshinago ima ya mambo. ¹² Hahe mba sambesewa hago musuanguluga hagu sagesa athu wa adi muzuela ya diago. ¹³ Uvi tudi gumi ha mukunda nu anentu muguzumba gua fumu ya gosa. Ndaga ya Nzambi wami tombele gifua dibundu dia monyo muguhuluishiwa gu givule giagu tshigina mu gia diago. ¹⁴ Mu hene udi gututamega mumimo yagu muanga lukumu luenji mavu hagu heta ufumu wa Yesu Klisto. ¹⁵ Ha hene anetu kuatema gu tshigina guenu, tshitshienu ima ga milonge nu guzuela nga mugu sonega guenu. ¹⁶ Luenuelu Nzambi Yesu Klisto muene hahenji nu Nzambi shetu udi gututshigina nu mba hutuha jingolo jia mayilago nu, hihi mbaiza mukhenda jienji. ¹⁷ Mu di hue jingolo jia ya gutshigina londienu mitshima yenu mu midimo ya tagana nu mbimbi.