¹ Luenyelu nga misonegena anetu aguzumba, mukanda wa nguadi. ² Ha gu mihunguluisa mbimbi ya ngia Matshidia ya zuelele basantu aba profeta. ³ Mujiya egi enya gubola mba muza gu sugu, mbakala mulela nu guenda gua wo muluholo luawo mudi ene mutangiza. ⁴ Didi guilaji diene dia guvutuga guenj? ajitata afile gale mualeha uvi ima ya gasue ya salele gitesu gimoshi; yandige muluyantigu lua gifugiwa''. ⁵ Ene ajimbiedile mugutshigina gua wo egi dilu nu mavu azogele mu meya kaka munya; mualehagale mbimbi ya khalele nu Nzambi yene ya khale Nzambi. ⁶ Kaka mukunda nu mbimbi ima ya gasue idi mu mavu ya tshitshiwe ya gubongisa nu ya gumuangana. ⁷ Tala dienu dilu nu mavu mbadimbiwa mu mukunda nu mukuala ungoshi mu gilumbu gua gusambesewa nu gilumbu gian gukonda isusu. ⁸ Anetu aguzumba, mujimbila go gima giene gilumbu gingoshi gudi Yesu gidi givo gingoshi gidi gilumbu gingoshi. ⁹ Fumu ushipi gpo ha gulungidilaji dia guza gu ye gifua muthu agasue mutshigina na na tudi tedie munengenen. ¹¹ Mukunda ima yagasue mbayimuangeya khuta mundunge jienji. Guditundu ya athu ago bende gukhala ¹² mudi naye khala mungena guza gua ndaga ja ufumu wa Nzambi, mukunda nu dilu mba dikondewa tshuiya ima mudi na ye guzangu lambamujimbila. ¹³ Mba munege dilaji guza gua dilu diampa nu mavu ahe ahe, mba gukhala ndaga masonga mba akhala guen. ¹⁴ Mukunda nu ngenyi anetu aguzumba muvua jindagi, tashitshienu ngenyi mbamu huluishiwe gu gubola nu gukhala ulape nu khala mu ngemba. ¹⁵ Tutangijenu egi gushipa gua fumu Yesu idi guhulu guethu, anetu aguzumba na Phaula wa isonegene khuta mundunge jenji ja muhuiwe. ¹⁶ Phaula udi muela ima yeyi mukunda guene gudi mbimbi ja kola ha gujiya. ¹⁷ Mukunda ngenyi anetu aguzumba mba mujiya ima yene khadienu mutala hagula mutotshi go mundaga ja mambo muajiya gutetesa guhana guenu. ¹⁸ Khadienu nu kenda nu ujilo wam fumu muhua monyo Yesu Klisto. Gudi muene gudi lutumbu lua nvula nu nvula. Idingeni!.