¹ Ngambi jia mambo jiajile gudi athu nu alongi a mambo nji gudi enue. Mbalata mu kisuegi enya gu kombelela isongo nu kukombelela gua isongo ,ha gushuya athu mbatuna fumu wasumbile. Ana gunamena gudishya ene hakawo. ² Avula mbalandula luholo luawo nu mu njila ya bola. ³ Mukunda nu hadi hatuhu, na mbatshigina gumitshitshila ndaga jiawo jia mambo,gufua mulonga guawo mba gishipigo:gudishiya guawoo guishigo mu wunduga. ⁴ Gula nga Nzambi galembelego angelo anyi atshitshile gubola uvi wahanene gudi Tertus mu kunda guayitshiga mu malenge unu gisopeselo. ⁵ Nu gabambelego angelo anyi atshitshile gubola, nu mavu akulu. Wabembelele Nowa wakhalele mulongeshi wa guamatshidia nu ako sambadi, watamine gikudi ha mavu a athu abola. ⁶ Nzambi nji wazondesele membo a Sodomo nu Gmola mu fuphi nu wahuile lamba dia gu fua nu wafuile milonga gu gufua hagala ikhale gijiyilo gu ndaga mbajiza gudi athu abola. ⁷ Mukunda nu giamatshidia, Lta wakathuwemu luholo luabola luakhalele gonze ya mikuala mu gu muangana guayo, uvi Nzambi wamuhuluishile. ⁸ Mukunda nu muthu ou wakhalele watagana, wakhalele musala nawo. Uvi wakhalele mumona gubola guawo gua gu lusugu nu lusugu nu ya khalele muene muvu. ⁹ Nzambi wajiya gu huluisa athu mukhatshi dia gubolewe guenji. Wu wajiya nji gubemba athu abola unu lusugu lua gu lumbuiluiwa nga lua gisopeselo. ¹¹ Yeyi yabalega gubonga mukunda nu gudijiga adi mulandula gukhala mmundaga jiabola jia nzala jia mila. Adi gashigo munemesa ima ya fumu. ¹⁰ Angelo adi nu jingolo nu luholo luawo uvi ashigo nu muho wa gubata ndaga jiamashingo gutuamadia Yesu. ¹² Uvi saba jieje jidi jishigo nu gutangiza jia fugiwe mukunda nu gufua jishigo mujiya ijidi ene mushinga. Mbaukala jiagushiwa. ¹³ Mbaheta gishimbigo gia ndaga guawo. Anatangiza egi gukhala mutshita ndaga jia lulendo lusugu luamudidi, idi yabonga, uvi mbaheta gishimbigo gia ndaga jiawo. Adi asuzangelewa, adi abola anadisuanguluisa mu gudihuiga guawo gula adi mu mawano. ¹⁴ Adi nu meso azala nu ifanesa ya akhethu a ndumbu, khenji akhala gale go nu guhuima mu gubola guawo. Ana zangula mutshima gubata mu ndaga jiawo jiabola, mitshima yawo khuta gu ngina jia mila. Adi ana agushinyiwa ¹⁵ Abembele njila jialulama aditotesele nu ahatele njila ya Balaami muno Beor wazumba guheta gishimbigo gua ndaga jishigo jiadiago, mitshima ya nzala ya ima ya gasue. ¹⁶ Uvi wazanyuwe mukunda nu gusagesa guenji. Gana gabalu gadi muzuela nu diji diazonda gifua muthu gamanesele malui a Nzambi ya Nzambi. ¹⁷ Athu awa adi gifua mudidi wa gimigina. Adi gifua matuta adi munana muhehe. Phipha idi muanenga. ¹⁸ Adi muzuela nu gudi hala,adi munana athu mu nzala ya ndaga jia hama vu. ¹⁹ Udi guahua diphanda uvi ene adi ahigo a ngina ya ima ya ngane. ²⁰ Yagasue udi muzoga mu heto ya gubola gua ha ha mavu mukunda nu gujiya Yesu Klisto fumu nu muhuluishi wenji, wavutuga luko ma mu gu bola, gubola guenji mbagubalega guadiangela. ²¹ Yabandele gukhala muabonga gula ngajiyilego guamatshi dia uvi wajiya giamatshidia nu mukhuela wa Nzambi wamihuwe. ²² Gishima giegi giadiago mukunda nu enue''imbua yavutuga mudia ima yagulusa. Ngulu yawovewa gale, yavutuga mu ithotho''.