¹ Shimona Phetelo, muhiga nu musthithi wa modimo wa Yesu Klisto gudi agasue ahatele gutshigina guakola gifua tua hetele mu giamatshidia gia Nzambi yetu nu muhuluishi Yesu Klisto . ² Khanda ja Nzambi jikhale nenu, nu jikotelese gutshigina gudi Nzambi nu Yesu Klisto muhuluishi. ³ Ima yagasue idi mutatela ngolo ja Nzambi mukunda nu monyo yamihuwe gale mu jiya gua Nzambi, watutamegene gu gutumbuka guenji nu gubonga. ⁴ Ha ndaga eji, udi mutuhua mabaji abonga. Watshiginyine egi mukhala nu ndaga ya Nzambi, ndaga ya mukatugile mu gu opa gua. Ndaga jenu jabola gua. ⁵ Mukunda nu gubinga, guene tshita muagasue ha guzuela gutshigina, nu giamatshidia mu iyi. ⁶ Mu uji waye lezela gukhala nu gudibamba, nu gudibamba, nu khenda. ⁷ Mukhenda jaye lezela upanji, nu guzumba. ⁸ m Gula udi nu ndaga egi yagasue jiatagana gudi aye, mbaushigo mukhala githuhu mu gujiya gua muhuluishi Yesu Klisto. ⁹ Udi gashigo nu ndaga eji, nu gukamba idi hehi, udi gifofo. Wajimbidile gale gubola guenji gua gudiangula. Mukunda nu ngenyi, tshita gubonga guaye ha gukhala handuedi mu gutombewa guaye. ¹⁰ Mukunda nu ngenyi, tshita gubonga guaye ha gukhala handuedi mu gutambewa guaye.Gula watshita ndaga eji jagasue, watshilelego gubola. ¹¹ Mukunda nu ngenyi, gungima gua mu ufumu wadiago wa muhuluishi Yesu Klisto mbauguhuwa. ¹² Mukuna nu ngenyi, Yesu mbaukhala hehi ha gugu unguluisa ndaga eji, gula udi mujiyiya nu gula udi wakola mu giamatshidia. ¹³ Ngudi mutangiza egi idi yatagana gudi ame ha gumiunguluiosa ndaga eji, hamudi moshia teta. ¹⁴ Ngajiya egi gualeha ndo, ngudi muzoga mu teta gifua muhuluishi Yesu Klisto wanguwambele. ¹⁵ Mbangutshita muami muagasue mukunda nu gumi unguluisa gu ngima dia guya guami. ¹⁶ Ndaga ya tualanduilego ijiyilo hawakhelele muzuela ndaga ya Nzambi mukunda nu gufuzumuga gua muhuluishi Yesu Klisto. Uvua tuakhalele amoshi a diago a ufumu. ¹⁷ Ndaga wahetele gudi Nzambi tata gusuanguluga nu mbimbi ya ufumu;''You mun'ami ya guzumba ungahagele mutshima''. ¹⁸ Tuavile mbimbi egi muzoga mu dilu, hatua khalele nenji zu mulundu wabonga. ¹⁹ Tudi nu mbimbi eyi yadiangela gutuwambelewa idi mutshigina esue tukhale a gujinginyina. Idi gifdua muenda mupelegetesa fundo dilabui u nu hadi kumbi muzoga nu themua ya gimenegena muzoga mu mitshima. ²⁰ jiyenu kudiangela egi, gushigo nzoji mu mikanda idi muza gu gufezekesa gua matangi a muthu. ²¹ Ndaga ya gushigo nzoji idi muza mu gutshigi na gua muthu. Ha guzuela mbimbi idi muza gudi Nzambi.