¹ Phaula, mupostolo wa yesu-klisto mu gutshigina gua Nzambi, nu Timotea phangi yetu, gu Eklezia ya Nzambi idi gu kolinto, enya gutshigina agasue adi gu gitshinyi gia Ashayi. ² Guzela muila nu guhuima gumihuwe gudi Nzambi tata yetu nu tata ya fumu yetu yasu-klisto. ³ Nzambi tata ya fumu yetu yesu-klisto atumbushiwe, muene tata ya khenda nu Nzambi ya guwalagana. ⁴ Udi gutuwalagana mu malamba etu agasue hagula tukhale nu ngolo jia guwalagana ago adi mu malamba nu guwalagana gumoshi guene. ⁵ Mu luholo malamba a yesu-klisto azala holu dietu, ngenyi gawalagana genji gadi muzala holu dietu mukunda nu klisto. ⁶ Uvi gula tudi mu lamba, idi mukunda nu guwalagana guenu nu gutshigina guenu. Gula ndo, gula esue tudi mu gawalagana idi mukunda nu gawalagana genu gadi mutshitshiwa ha tudi mukhapha malamba amoshi nu enue. ⁷ Guhaga guetu gua mutshima gudi enue gudi gua diago ndaga ya tudi mujiya egi: gula tudi nu dishinda mu malamba, tudi nji nu dishinda mu gawalagana. ⁸ Ndaga ya, tua tshiginyilego egi mujimbile gubua gu tua buile gu Aziya. Tua khalele mu lamba diakola nu luholo lua gukolesela lua khalelego. Tua totesele nu nzala ya gukhala luko nu monyo. ⁹ Tua khalele mutala gifua athu ako, gifua mbimbi ya gisugishilo ha gufua guetu. Uvi yakhalelego hagula egi tuhage mutshima gudi esue hakhetu, uvi gudi Nzambi yago wana zugisa athu gu gufwa. ¹⁰ Watuzola mu wina wa gufwa, tudi muhaga mutshima gudi muene egi udi gutuhuluisa luko. ¹¹ Enue tukuatesenu mu gukombelela, ndaga ya avula mba’ adi mutumbuisa Nzambi mukunda nu guzela-muila gu tuaheta mu gukombelela guenu. ¹² Luenyelu, tudi gudihaga uthemua mosha muthima mu luholo tua wenda ha mavu. Diago-diago mu luholo tuakhalele mukalagala n’enu mu usantu nu giamatshidia gidi muza gudi Nzambi. Ishigo mukunda nu ungambi wa uthu uvi mu guzela-muila gua Nzambi. ¹³ Tushigo musonega ndaga ji muajiyilego gutanga nu gukotelesa ndo. ¹⁴ Ndaga mudi gutu kotelesa gandambo egi, mu lusugu lua fumu yetu yesu, mba tukhala gusuanguluga guenu mu luholo lu mba mukhala gusuanguluga guetu. ¹⁵ Ndaga mudi muhaga mutshima ha ndaga yene. Ngatshigina guza gudi enue thomo, hagula muhete guzela-muila luyadi. ¹⁶ Ngakhadi gudilonda ha guza gumitala ha ngudi muya gu Masedonia nu gumitalulula ha ngudi muza guene, hagula egi muye mungutuale gu yudea. ¹⁷ Kumbi ngakhala mutangiza njila; nga ibatshi mu luweyi nga ndo, nga ilondi mu uthu h agula nguzuedi egi : ayi nga ndo mu hugo dimoshi? ¹⁸ Uvi gifua Nzambi, tshigo nayo guzuela egi: ayi nga ndo. ¹⁹ Mukunda nu muna Nzambi, Yesu-kilisto yago Timote nu ame tua muangele lukuma mukatshi dienu, gashigo: ayi nu ndo hamoshi, uvi udi khuta kumbi diagasue Ayi. ²⁰ Ndaga ya malaji agasue a Nzambi adi egi: Ayi gudi muene. Ngenyi gudi muene, tudi muzuela egi Ikhale ngenyi mu lukuma lua Nzambi. ²¹ Luenyelu Nzambi udi gutukolesa nenu mu kilisto nu watukudile maji. ²² Watuhagele njimbu yenji nu watuhuile givule gienji mu mitshima gifua ndambo ya ima imbagatuhua gutuama. ²³ Uvi ngakuata nzambi uthemua egi gishina ngatunyila guza gu kolinto, idi mukunda nu gumizuelela. ²⁴ Ishigo egi tudi muthesa gutshigina, uvi tudi mutshita nenu mukunda nu gusuanguluga guenu, ndaga ya mudi muakola mu gutshigina.