¹ Kansi, yie, tuba vii akug n'along a wuo. ² Agnugni wafwete ngya itura mpio, vear a luzitu, vear a waagn, vear amifuye ne likwikilu, vear apier ne kati e ngaagn ti inaagn. ³ Oshin omog, antsuru ankear wafwete nzinga kamsi vear afwetewo mpea luzitu, vear apitubi ipwo i vear. Wapikug ngya amfum a vean. Wafwete ndong vii ayi wuo; ⁴ djwi waji oshin ondong aseg ankear na ndeang awum ti aman awo. ⁵ Wafwete andag na ngya ankear a waagn, ankear a ngitiem, wafwete andag na ngwong mvuru iwo wuo, na njia ndemfuka etay awum awo. Wafwete nkie vim ane djwi vear wakwon ntwe otuba o Nzeam. ⁶ Oshin omog mpi, siamisa enkwo wayi na wagni. ⁷ Ne vii ankum, wayen ne viy a vear kamsi mbanu e vii a wuo, mpi yug olong, yegne masonga ti lukumu. ⁸ Long along a kieleka mpi akwon bifu djwi wur enkum esitsug esiy ayug nsogn, djwi kakunde na djwi ipwo isikug nde ntuba djwi na su. ⁹ Amfum wafwete ndemfuka ya ankum awo ne vii ankum. Wafwete ampea osag mpi wakwon nding ashia na wo. ¹⁰ Wapikug nkuma vim. Kansi wafwete ngyegne etura e wuo, djwi ne vii ankum wapi lokumu n'along asu djwi na vii alir Nzeam, Ngulusi esu. ¹¹ Mpama ve ngrasia e Nzeam amonikiwo n'avear ankum. ¹² Ngrasia ewo etelong na ntun vii apwo ti mpuy i vii buu opean. Eyatelong na nzinga na waagn, na masonga ti na luzitu e onkwon o Nzeam ne mvwe i lwo ¹³ ntangu ekwungsu na mvea ekaagn e lusakumunu, eyapwe nkembo e Nzeam esu enen mpi Ngulusi esu Yezu Kristu. ¹⁴ Yezu apinde ndemie djung inde djwi na nkea nteshum ne kimpika e masumu, mpi djwi atetiemi, djwi na nde ndemie, okwo omog djwi na nkie etshia ewuo. ¹⁵ Tuba mpi pea kikesa ne vim ane. Songisa n'ekub enkum. Kie djwi ekwon ngya na wur emog esoyen yie mpama.