¹ Polo, nsadi e Nzeam mpi ntumwa e Yezu Kristu djwi na lukwikilu e vear amison Nzeam mpi djwi na njia masonga etsankien mbug emog ti luzitu e enkwon e Nzeam. ² Vii anagn ayum ne ekaagn e luzingu e mvwe na mvwe, e Nzeam esu epitsundjim, alakinde vear yum ntangu e ntama. ³ Emikug ntangu ewo, apurnde otuba onde ne mbug along ayimpinde na ndong. Akug wo nki ko ne mbug onkwon o Nzeam, ngulusi esu. ⁴ Ya yie Tito, mon e kieleka e lukwikilu esu emog. Ngrasia ti ngemba eyum ya Tea Nzeam ti ya Yezu Kristu, ngulusi esu. ⁵ Djwi na wo, asamoshugn ne Kreti, djwi osatsug n'olwongo vii ayikashirasu, mpi djwi osatsug antsuru a dibundu ne wiya enen enkun, oshin eyokabime. ⁶ Intsuru i dibundu afwete nkwon bifu ye ayi wum e onkear omog, afwete ngya n'aman atsandemfuka, mpi wapitsingya na vii apwo to n'ote biu. ⁷ Elomo episkopo, oshin olinde wur ewum vii a Nzeam, ayi wur ekwon bifu. Akwon ngya wur omwong to wur epiyug vear. Akwon ngya wur e nkier, wur emileang vean, wur emileang mbeagn, wur emileang ekri. ⁸ Kansi afwete ngya wur eyama vear wuo, wur eleang vii a wuo. Afwete ngiya wur ejia mpay i vear, wur e masonga, wur eli santu ti wur ejia vii akiende. ⁹ Afwete nkangama le along a kieleka ayi long e wuo djwi akug mpea vear amuu kikesa n'along a wuo, mpi akug nsongisa vear along vii a oshin omuu. ¹⁰ Djwi eli na vear entsign, nshun ewo ne kati e vear ayibag wo djuung, vear ayiitun njir, vear a ituba-tuba ti vear aleveari vear ne mbug epwo. ¹¹ Ekug ntsug nsuka n'otshia owo. Djwi n'ifuta iwo i nsogn, walelong vii apifwetewo ndong mpi walebebisi wafamilia epfugni. ¹² Emog ne kati ewo, wur e waagn, atubinde ngean: ''aman a Kreti, olagni ntangu enkum ankea oyang, gnam ipwo mpi i kigonsa, vear a bumolo.'' ¹³ Otuba one eli e djwi djwi, wog enagn, wo wemie, na biu enkum, djwi wayi na lukwikilu e wuo. ¹⁴ Oyayugagni itsig i wayuda to enkwon e vear amijing mbug e masonga. ¹⁵ Djwi na vear ayi ngitiem, vim ankum ali ngitiem; kansi kaku vim emog eli ngitiem djwi na vear amibia ti vear apikwikili mpamba ve nginu ti itura iwo imibia. ¹⁶ Wakie kamsi wajia Nzeam, kansi vii akiewo elafugni. Eli vear afwetesu ntun mpi wali ete biu. Wapikug nkie vim awuo.