¹ Adamu ajia djuung i wear nde Eva, avey djim, mby s'awur nde Kaino, mby atuba ndenden: "Ntikie wur ne nsarisa e Yaweh." ² Akea ngwur okwom nde ompeam, Abel. Abel ayiinde wur ewunga wagnam, mby Kaino ayiinde wur efuy ivur. ³ Ne mby e ivim i ntangu, Kaino apea makabu i vim amimen ne buu eyifuy nde; ⁴ mby Abel, ikab inde, apea makabu aman a wagnam i nteang-nteang imiwurakawo ne itwung ilewungi nde, ti vir awo. Yaweh aleang nde ndir ko Abel ti makabu inde. ⁵ Kansi akaleang ndir Kaino ve ti makabu inde. Kaino s'ayug nde nkier, atshung elung ende. ⁶ Mby Yaweh s'atubinde nda Kaino ndenden: "Djwi na nge emiyug yie nkier? Djwi na nge mpi emitshung yie elung eyie? ⁷ Yug omikie vii awuo, asikea yie nsiang elung eyie, kansi yug omikie ipwo, disumu wean asivur wo ne epfug eyie, ti mpay iwo ileye etay eyie. kansi yie, yia ne dzug iwo." ⁸ Mby Kaino s'atubinde nda okwom nde Abel; ko ne ntangu eli wo ne evur, Kaino abvuma okwom nde Abel, s'odjag nde. ⁹ Yaweh atuba nda Kaino ndenden: "Okwom yie Abel ali nonkagn?" Okeara ndenden: "Mpijia ve; me ndi sentre etsandir okwom me?" ¹⁰ Yaweh atuba ndenden: "Vim nge emikie yie? Oshuru aluung okwom yie wean epwe yim ne buu tii ko ondii oli me. ¹¹ Opeane, oli na nkwu ne buu emingama odzum onde djwi na gnua aluung a okwom yie. ¹² Ntangu eyafuyaka yie vim ayie, buu epafopea diaka otsun onde ve. Ayasayia yie ko ikien-kien, etay n'etay ne buu." ¹³ Kaino s'atubinde nda Yaweh ndenden: "Ndola eme etilega onen, mpakug. ¹⁴ Yen, otinkma lwo ne buu ene, ndetsu nzuba etey na elung eyie, ayakienaka me ikien-kien etay n'etay ne buu, wur enkum eyangyen ayandjag nde." ¹⁵ Yaweh atuba nda nde ndenden: "Yug wur atidjag Kaino, ayakeara me mbela e Kaino ya wur enagn mbala ishambia. Mby Yaweh s'atsug nde kidimu emog ne djuung i Kaino, djwi yug wur atoyen, akwon n'ondjag. ¹⁶ Mby, kaino s'alim nde mbeama na yaweh, atsa etey, atsa mpier ne buu e Nod, etay epwe vuna, ne Edeni. ¹⁷ Kaino ajia djuung i wear nde, s'awur wo Henok. Atwung wiya eninen, apea dzin i wiya ewo Henok, dzin i mon nde ompeam. ¹⁸ Henok s'awur nde Irad, Irad s'awur nde Meujael, Meujael s'awur nde metushael, Metushael s'awur nde Lemek. ¹⁹ Lemek atsug ankear ape: emog dzin inde Ada, emuu dzin inde Tsila. ²⁰ Ada s'wur nde Jabal: ene ayiinde tea e vear ayiipierike ne eman e mvuru i kapo, mpi mbeama n'itwung i wagnam. ²¹ Dzin otwung onde ayiiwo Jubal: ene ayiinde tea e vear ayiburike kidar ti osiaang. ²² Etay ene, Tsila s'awur nde Tubal Kaino, nde wur eyiikike vim a iwuu. Nkignam e Tubal Kaino ayiwo Naama. Lemek atuba nda avear ande ape ndenden: "Ada ti Tsila, yugagni otuba ome! Aveari a Lemek, yugagni otuba ome! Adjag me wur emog djwi na mpura eme, ti onkwo omog djwi na mpura ime. ²⁴ Ayakeara wo mbela e Kaino mbala ishambia, mby mbela e Lemek eli mbala oshambia n'ishambia." ²⁵ Adamu akea njia djuung i wear nde, awur mon ompeam, opea dzin i Seti, ndenden: "Nzeam atimpea mon ompeam emuu ne ondii e Abel eyidjag Kaino." ²⁶ Seti mpi awur mon ompeam, opea dzin inde Enosh. Kog enagn ondii oyibani wo na mvie dzin i Yaweh.