¹ Nzeam atuba nda Yakob ndenden: "Yima, tshwag ne Betel, gneme mpiog, au atwung yie kunda emog neti djwi na Nzeam eyopwi yie ntangu eleluriki yie jii yie Ezau." ² Yakob atuba nda vear ali n'evuru ende ti vear ayike nda wo ndenden: "Limagni wanzeam inkeankum ongingien ne kati egnu, yogagni djuung ignu, songoagni mpi ileam ne djuung." ⁴ Wapea Yakob wanzeam inkeankum angingien iyike ne mbwo iwo, ti atii a pengele ayike ne atii awo. Yakob atsug wog ne ngie oshung opfung eyike mbeama na Sishem. ⁵ Mby s'akien wo. Nzeam atsug ekukuma ne kati e viya ili mbeama na wo, mpi wakafisadjie aman a Yakob ve. ⁶ Yakob akum ne Luz, eviewo Betel, ne buu e Kanaana, nde ti vear ankeankum ayikinde nda wo. ⁷ S'atwung nde kunda ne kog, mpi apea ondii owo dzin i El Betel; djwi eli wog ondii onagn eyopwi Nzeam ntangu elelurikinde jii nde. ⁸ Dehors, ndeer e Rebeka s'awinde, s'opfugn wo ongingie e Betel, n'itwung oshung oninen eyivikiwo Itsin oshung e aluu. ⁹ Nzeam akea mpwe etay e Yakob, ntangu emikeande yim Padan Aram, osakumuna mpi. ¹⁰ Nzeam atuba ndenden: "Dzin iyie ili Yakob; wapafovie Yakob ve, kansi dzin iyie ayayiawo Israel." Mby s'opinde dzin inde Israel. ¹¹ Nzeam atuba ndenden: "Me Ndi Nzeam nkea biu. Wur aman, Limagni entsign, twungagni opfugn okiri, mpi ekiru entsign ayapwewo ya yie, ti wavwi ayapwewo n'ipfugn iyie. ¹² Ayopeame buu eyipinde ya Abraama ti ya Izaak, buu ewo, ayopeame mpi ya aman ayasawo wur ne mby eyie. ¹³ Nzeam wavean ne dzug inde ko n'ondii eyokabinde vii anagn. ¹⁴ Mby Yakob asayim ignignig imog n'itwung atari n'ondii eyokabike Nzeam vii , ne dzug iwo, s'amwang nde vir djwi na mpea ya Nzeam. ¹⁵ Yakob avie ondii onagn eyokabike Nzeam vii dzin iwo Betel. ¹⁶ S'alim ne Betel, tii na nkum Efrata ondii eyiwur Rashel, ayiwo ivim otey. Awur nde na mpay entsign; ¹⁷ mby ne ntangu eyug nde lwon, onkear eyosarisike na ngwur okaba ndenden: "Oyayug womo ve, djwi oli diaka na mon ompeam emuu!'' ¹⁸ Mpi, oshin oyinde aling nsug egnim, djwi ayiwo aling ngwa, apea mon ewo dzin inde Ben Oni; kansi tea nde opea dzin i Benjamin. ¹⁹ Rashel s'awinde, s'opfugn ne mbug e Efrata, eli Beteleem. ²⁰ Yakob ayim ignignig ne nkr ende, eli ignignig i nkr e Rashel, eliko tii eshuu e lwo ene. ²¹ Israël akien, atsa ntsug evuru e kapo ontinteang e Migdal Eder. ²² Ntangu epieriki Israël etitign enagn, Ruben s'atshinde mvur nda Bila, wear emuu e tea nde. Mby Israël ayug vii anagn. Aman ampeam à Yakob ayiwo djum n'ipe. ²³ Aman a Lea: Ruben, nsom eteang e Yakob, Simeoni, Levi, Yuda, Isakar ti Zabulon. ²⁴ Aman a Rashel: Yozefo ti Benjamin. ²⁵ Aman a Bila, wur otshia e Rashel: Dan ti Neftali. ²⁶ Aman a Zilpa, wur otshia e Lea: Gad ti Aser. Enagn wog aman a Yakob ayiwur nde ne Padan Aram. ²⁷ Yakob ayia mbeama na Izaak, tea nde, ne Mamre, ne Kirjat Arba, eli Hébron, ondii oyipierike Abraama nda Izaak. ²⁸ Nshuu i luzingu e Izaak ayiwo mvwe nkama emog na onkabi. ²⁹ Izaak asug egnim, s'awinde, oyamiwo etay e vear a buu ende, akum nde intsuru, atiyur mvwe inde, mby aman ande Ezau ti Yakob, s'opfugn wo.