¹ Polo, ntumwa e Yezu Kristu na luzolo e Nzeam, djwi na ndong elag e luzingu eli ya Yezu Kristu, ² ya Timotei, mon me eleang me: Ngrasia, ngy ti ngemba eyum ya Tea Nzeam ti ya Nkum esu Yezu Kristu eyi ya yie. ³ Ndakeara nsag-na-viye n'etura emog, ya Nzeam eyisamike antsuru ame mpi elesamime, djwi n'oshin otsamonkana na otshuu na mbiiy ne bisamu ime. ⁴ Ndekani viey eyipuryie ne viy mpi ndi na ngaagn e nsanga ma yie djwi ngyug kiese n'etura. ⁵ Ndakana lukwikilu e kieleka eli neti eyie, lukwikilu eyi na ndundu yie onkear Loisi ti ya meayie Enisi mpi njia memen lukwikilu ewo eli mpi ya yie. ⁶ Wog enagn, ndaling ya yie na nkeampiey tshiya e kabu e Nzeam eyiviy yie ntangu eyoyab me mbwo. ⁷ Djwi Nzeam akatepea Mpeve e womo ve, kansi atepinde mpeve e biu, e lutondo ti e waagn. ⁸ Oyayug nsogn ve djwi na ngya ntiegn e Nkum esu, ata eme, Polo, wur ende e bolog. Kansi jir na ngyen mpay, ondii omog ti me, djwi n'otuba o Nzeam na biu o Nzeam. ⁹ Eli Nzeam wur eyitevug mpi eyitevii n'evie e santu. Akatevie djwi n'etshia esu ve, kansi djwi n'oshin oyiwong nde ndemie mpi djwi na ngrasia ende. Atepinde vim ane ne mbug e Yezu Kristu nteang e ntangu ekwon nsuka. ¹⁰ Kansi opean, vear ayen wo evug e Nzeam n'oshin oyii Ngulusi esu Yezu Kristu. Eli Yezu Kristu wur eyishiri biu ewa mpi eyijii luzingu eyi kaku nsuka ne mbug along a Nzeam. ¹¹ Djwi na wo, me s'amikum me wur e long, ntumwa mpi longi. ¹² Eli mpi djwi na wo, s'eleyen me mpay djwi na vii ane. Kansi mpileyen nsogn djwi na wo ve, mpama ve njia ya nagn ekwikilame. Ndajia memen ali na biu e ngwum otshia oyimpiwo na nkie tii k'eshuu enagn. ¹³ Kir, na lukwikilu ti na lutondo eyie eli ya Yezu Kristu, mbanu otuba o wuo oyiyug yie ya me. ¹⁴ Vim a wuo ayitsug Nzeam ne kati eyie, wum wog ne mbug e Mpeve Santu elezingi ne kati esu. ¹⁵ Ojia yeyen vear ankum azinga n'Azia wamimpea okwongo. Fijelusi nda Ermogenesi wali ne kati e vear anagn. ¹⁶ Nkum apii ndolula ende ya vear ali n'evuru e Oneziforusi, djwi atsande nkeya etura mbala entsign mpi akayugaka nsogn ve djwi na bolog elime neti. ¹⁷ Ntangu eyikum nde Roma, anding nde djwi angyien eveang eveang, mby s'angyen nde. ¹⁸ Nkum opii mbug e mvea ndolula eshuu enagn. Ojiagni wuo oshin onkum oyinsarisi nde me ne Efezo.