¹ Polo, Silive na Timotei, ya vear evuru e Nzeam e Tesalonika eli ya Tea Nzeam ti ya Nkum Yezu Kristu. ² Ngrasia ti ngemba eyum ya Tea Nzeam ti ya Yezu Kristu eyi ya gnu. ³ Atwung, atsasunkeara ntangu enkum nsag-na-viye ya Nzeam djwi na gnu. Ekug ngwign djwi lukwikilu egnu elevean kaka mpi lutondo egnu gna vear amuu elekum k'onen. ⁴ Wog enagn elisu su semie n'osiang entsign djwi na gnu ne nteang e mvuru i Nzeam imuu. Silekumisi inaagn ti lukwikilu egnu ne nteang i mpay ilopeagniwo. ⁵ Enagn eli kidimu ekab ewu eyabag Nzeam. Nsuka ewo eli asiyen wo wuwun okugagni n'ekub e Nzeam emiyen gnu mpay djwi na wo. ⁶ Djwi eli ne masonga i Nzeam na nkeara mpay ya vear alopeagni gnu mpay, ⁷ mpi na mpea ntangu e ngyor, ngemba ya gnu vear aleyen mpay ti su. Ayakiende wog ntangu eyapwe Yezu ne dzug olung ti banzio ekub ende. ⁸ Ne kati ekb e tshiya, ayakearande mbela ya vear apijia Nzeam ve ti vear apilemfuki n'otuba o Nkum esu Yezu Kristu. ⁹ Ndola eyavey wo eli ewa e mvwe na mvwe, ewa eyatsug etey na Nkum mpi etey na nkembo ekub ende. ¹⁰ Ayakiende ngwign ntangu eyayiande mvey nkembo ende ya wasantu inde mpi ayokumisawo ya vear ankum ayikwikili. Djwi ayadjir wo ntiegn eyapeasu djwi na gnu. ¹¹ Djwi na wo, su ko silesami ntangu enkum djwi na gnu. Silesami djwi Nzeam esu oveyagni kamsi vear amikug n'otshia onde mpi na biu onde akii vii a wuo amiwong nde djwi na gnu mpi akii otshia onkum o lukwikilu. ¹² Wog enagn, sisama ngwign djwi vear wapiilokumu ne dzin i Nkum esu Yezu Kristu djwi na gnu. Sisama djwi oveagni lokumu djwi na nde, djwi na ngrasia e Nzeam esu ti e Nkum Yezu Kristu.