¹ Me Polo, nsar e Nzama, ntumwa e Klitu itsen la lukwikil e Nzama eti oyia e nde, la masong nge pande avan la mawa. ² itsen la lukwikil, lo yia ende eti la kandim e mvia la mvia e Nzama nge lay nde Bagna le ntang e letan, la luzing e letan. ³ Le nsang nge lombam nde kaba eshuong obuk e malong ngena nge mpande. Elo mbam me nza laza. Otin nge lomban nsik e Nzama wur nge tanina avar. ⁴ Le wa Tito van me ensa leti e kondim nge mviy nde avar, sang no bir, mawa mpi ngem ngo pande nge fa le wa Nzama ta so, eti le bire e Klitu ngulusi eso. ⁵ Mo swiy me yir le Klitu itsen yia opung eshuong ndena itsia, mpi ope mbangik be ansura le wa la wa, yia olab le mpil e nsik e me. ⁶ Ansuru e dibun fetel le ya wur ngena apa kie esthuong ipwa be, nda ya lonkar e motuwa, avan a nde wa yia Nzama, wa pe zaban be le kinduma, le mavang be. ⁷ E lombam le wa ansura a dibun, avar nga pa kiang evre enzama, wa pe za la mbam be, lulen be, a pe zuk nki be, a pe na van be, wur ngena a pe sia e ntey be, wur ngena, oling ekrabe be le mpil e luvun. ⁸ Itsen nda za wur nge la luzol ensa, nge yama avar. ⁹ Ansura a dibun wa fetel le kandama lotiba enzama ensa otin nge langno wa, lembey, wa kuk le pa kikesa la var emwo, la malong insa eti leyia avar nge tuna. ¹⁰ Kansi avar olala, wa la kudim ndam, e nga Bendan itsen la var nge djima mpi, avar pu yen wa le mbuk ipwa. ¹¹ Mfum a la kira, wa malong nge long wa, a pe be itsen la mambor enswegn ngena e familia wa eza le mavang. ¹² Emuna leti ewa a le wur ngena la wagna nde me tib nde"Klitu a le nga luvun, wur obe, wur e mpasi bonso niam a nga okar". ¹³ Etsuong nge kab nde nge a le masong itsen la ya, yia lezala nki ivre pala mfum be, zano la kundim, la osak, bin no le wa nzama, lotum e mpeve. ¹⁴ Noa mpung lale mbina be, le wa nsang e mpam-mpam a yuda, eti wa nsik avar nge nde bebisa etshuong ema song, ¹⁵ Itsen la war letum e se, etshuong kanso es, kansi e mie be ngena se itsen la wa nge bebisa, la mpagna nge avar engena pe kuk, be la ayel awa, la ngin insa nge bebisa wa. ¹⁶ Wa la nza le yia nzama, kansi le esthuong ewa e pe len be wa yia Nzama.