¹ Itsen la yia, tiba nsansa, long avar mbuy ngena lempil nge winia nsik. ² Long ansur avar, ngena leti dibun, wa fetel be, le saba ondu, itsen leshuong nge kie wa, wa yal, wa za la lukwikil ebir, le long wa-la-wa. ³ Otin emotuwa, la ansur ankare, wa za la nsingil ensa, bonso wa nsar enzama, wa pe len, leza ekekekap be, wa pe zube mpik evan be, wa long eshuong enzama ensa. ⁴ Itsen le long ewiy ankare wa eti avan awa. ⁵ Wa lak le kana lotun ensa, mema kang familia ewa,leya la luzing, le lab nsik a wum-wa itsen otiba enzama a paza be embam. ⁶ Pana osak le wa avar na mpam, wa lak ndin insa le yindul. ⁷ Yie, yie imie leshuong eyie pamban, leshuong ensa, le malong insia, pa mban le ngavan, ntang nge long yia, lang luzing mpi lukum. ⁸ Eshuong eyia insa, eschuong eyia epe za obe-obe, itsen wur nge tun otiba enzama, ava lanswegne, nge pe za ata lipwa be letiba nda so. ⁹ Pano osak le wa ampik ano, wa lap nsansa nsik a mbou ma ewa lokuk insa, lempil ngena wa pe kakul be otiba ankum'a ewa. ¹⁰ Wa pe len be lekie wunu be, wa lak kaka eshuong ensa la ngay, itsen lepa lukum enzama ngena ngulusi eso. ¹¹ Itsen la mambor enzama, baniang mabor ende itsen lavar kanso, ngo sang nzama. ¹² Esthuong enzama e long avar le sang biese ebo, so za avar nge kan, so za avar a nsa, leza la ngin insa,leza nsa, ti le bina bir le wa nzama mvia-la-mvia. ¹³ Ntang nge del'so la le vay otiba enzama nge kiaa avar otum eswi nga yen so lukum enzama eso e nen ti e ngulusi eso. ¹⁴ Yezu Klitu awil nde avar itsen so pwe le mambi kanso, mpi seke za la luzing ensa, itsen nda nda za wur nge kie otshia ensa.