¹ Bonso zile otin ngeni,katib sa mugne ,nkaa so abrama evey nde nge? ² Bumban,kozul nzam akeyir abrama nse ke wur elunung itsen letshia, iza nde la nezan lekudi kumisa,kansi loso enzam be. ³ Kansi otib enzam etib za mugne? Abrama ekwikil nde lanzam ,ke nzam kolie nde nde nse wur elunung itsen lande. ⁴ Ana lewaa wur nge kie otshia,mfe pa liwa lifuti ende be, nse otum owuo, kansi nseemie nga fetel wa lapa . ⁵ leler emwa,la wur ngele apikie otshia be ,kansi fa kwikil nde la wur nge fayi wuremwa nge pavweza nzam ndee wur elunung,nzam ka yen nde lukwikil nse lunung. ⁶ David mpi etib eshwong e kiese lawur ngele nzambe koyen nde nse wur elunung .Ata ku etshia ende epe wakan kiben be ti nsik . ⁷ Kiese levar ngele wa ma lubum eshwong ewa nge djak nsik ,mpe nge fa duhab wa masum . ⁸ Kiese lawur nga kwan nzam lekan diaka disum ende ⁹ Lusakmun ngema ele itshen la wur nga me yi a yesu ?Otin -emwa lampagne ?Itshen sou a ya tibe ,le kagne abram amolog wur emasong loso enzama. ¹⁰ Otin nge,nge koum' nde wur emasong ?Ompa nge, nge koum'nde wur enzama ,to ompagne ?Lekagne ende eyiwa ompa nge na ,ndato yia nzam be? ¹¹ Abram ame va kidim ewur enzam ,nse tampo wur emasong elekagne ,laza ndamekum taa avar elekagne , ¹² zaa taa avar enzama la var nga tara lembok elekagne abram,ompa ngeyinde ompagne. ¹³ Mfe eyiwa itshen la nsik nge sil wa lewaa abrama ti avan ande kazaa wa nse wur abima mboo ngena kansi ziza le nsarsa e lunung le mbok elukwikil . ¹⁴ Kozuk avar babal wa nsik alé wakene nga vay ikab ,lukwikil ani emetshik mfun be mpi ani lusil otshia be. ¹⁵ Dzi-dzi,nsik papa za nzam bir ,ke okangele nsik be ,avar ape bung mpi nsik be. ¹⁶ Nduk -za ,zile lensarsa elukwikil ende ,itsen ziza enga yokan ti otum ewwo mpi ene ,itsin lusil ekuk lavan ande kokin ,mpe kitsen la var pa baabwa nsik ;kansi mpi itsen lavar nge payir lukwikil a abrama ngele taa kanso. ¹⁷ Abrahami abwyi taa so loso enzama lane nge kwikil nde ,nzama wur ngeme pa mwe avar ngele wa mewa ,ngeni ngavi ikanso ngele emeza ososo be itshen wa eza. ¹⁸ Lere ngeyi lukwikil diak be ,abrahami enchuk nde otum le wa nzama nde ekwikil nde lande.Wangeni nde amkum taa imbel ikanso eboo itshen onkana e santu eyatib wamwing;kiagna otin wa nkana eya ngekaza wa olala olala. ¹⁹ Lukwikil ende etokum insi be le lere nge nkum nde la wamvia nkama emotuk,otin nge yindul nde djugnu ende ike lale wa,ti otin ngeyi sara onkar ekob. ²⁰ Itshen la elak enzama nde atakal lembwiy be la lukwikil mpi ata kal mbiy be .Itshen la lukwikil ende opewa nde bir ,mpi nde me lesaka nzama. ²¹ Nde eyinde aya yia ke kimben ebwiy eswong ngele nzama ame sil itshen la wa ndabwiy la kiyek la le biak nkan. ²² Itshen la lukwikin ende nzama amokitul nde abrahami wur emasong . ²³ Lere nge enkana esantu eyatibi otin ngena ke lukwikil abrahami ebwiy etshen oswongn nge makumisa nzama wur emasong ,,eswong ngena esonn wa itshen lande ngawa ke . ²⁴ Wa eyakiogna itshen le sompi,nga kumsa nzama avar ensa emasong, itshen so ya kwikin la nde wur nge zumu leti avar nge me wa yezu mkumu iso. ²⁵ Nga shiyi wa liti ewa itshen la masum eso ,kansi e nzama ngema zwiyinde itshen nda kumisa so avar e nsinsok.