¹ Kansi mfun nge lezaa muuuda ,ye mfum nge lezaa (circoncisio?) . ² Abim olal ile inen oso itsen wa kawa eswong busantu enzam . ³ Ngé katib so diaka ?Ozuk avar amwa ekwan lukwikil ,keti lekwan lukwivikilu kene ekitisa boling eya ya nzam? ⁴ Ata nsi-tsi be !kansi sang nzam atsik ke wur fatib masong ,ata konso wur fa monika wur nga luvune;ile ke mpil nge son wa wamugne :nsé kotin nge fe tib ya luvun lodum eya ,mpi ye kuwu le nung leler ezuzema. ⁵ Kansi kozuk eshwong eso ngele apepa lunung be, epwe mbwa sieme lunung enzam ,keso katib samugne ?Kiti nzam lunung be ntang nge ya ?Bir ende ?Me nte tib avar eboo . ⁶ Ata nsi- tsi be !kazuk ,otin nge nzam kanso nde boo? ⁷ Kansi kozuk masong otib enzam ,emonika sieme itsen la nkembo ende ,itsen lange nzam kansamsa nde nse nsumuki ? ⁸ Ekuk-wa letib otin fatib amwa ,fabamwaavar adji wa mugne :sokekie eswong epwa itsen eshwonge ize )?Zuzema itsen lavar ansa ti lunung ewa ibwyi. ⁹ Kansi so ke yindul sa mugne ! keti so ke leng avar amwa?Nsi-tsi be .Itsen efun oso ayuda ti a greki sa mugne wa kanso ole lengi ekiyek emasum; ¹⁰ otin nge son wa wamugne : be,ti wur elunung,ata wur emwotuk be; ¹¹ ;be,nsa wur emwotuk ngele la wagne (layel) be, nsa wur nge ling nzam be. ¹² Ma pawa wokin okwong ,me kum wa mbwa mfun be.Nsa wur emwotuk be leti ewa ekie mambote (eshwong ensa),nsa wur be! ¹³ Owul ewa enking ile maziam enga dubu ,we djim lembok elum ewa.eshwong ngetib ile nse ndikilendjwa . ¹⁴ Mpi edum ewa eweyu lesing mpi ti eshwong ebul. ¹⁵ Nku iwa ile mbwa ivang le pay okiel ¹⁶ papa wa otung mpasi konso ler ,mpipa niokol wawa. ¹⁷ wa ape yia eme paviwa ngem be. ¹⁸ Ele wa ape bang nzam be. ¹⁹ Soke yia ,ler ngena ,ata nsik etib ,zetib lavar ngele lengie ensik,itsen odum kokin iza dju ,mpi mboo okin ekuk evey ndol enzam. ²⁰ Nduk za nzam apayir nsa wur emwotuk nse wur elunung le vey ende,lembok etshia ensik ,itsen nsikpa sarsa nde so leyia disum nsa-nsa. ²¹ Kansi ler ngena ,lekwan lusarsu ensik lunung enzam eme monika,otin nge tangama nsik ti enkan ambikur. ²² Ee,lunung enzam le mbok elukurkil e yesu klitu,la var kanso nge kwikil. ²³ Itsen avar kokin ngele amekin disum,ape kuwu lelak nkembo enzam be. ²⁴ Mpi zile nse ikab epu otin nga yir nzam nse avar a lunung lembok otum ende ensa mpi enen ;lensarsa emfuk le masum ngefre yezu klitu, lalim wa lekimpik. ²⁵ Nzam apandense ikap lale vugne avar lembok e lukwikil akiel a yesu.Nzam ekiende za itsen la le lak lunung ende,itsen eyinde ekang otum mpi ndolul masum nge salama lentshu ngeleng. ²⁶ Eyiza lelak lunung ende ngaza le ler ngena ,itsen ndoza wur elunung ata ler ngayir nde wur ngele la lokwikil la yezu nse wur elunung. ²⁷ Keti ile ti mfun le beer ntu ?Be. lembok insik nge ?Etshia ?Be,ata nsi-tsi be ,kele mbok ansik elukwikil. ²⁸ Itsen ,payen so samugne nzam payir wur kense wur elunung kitsen la lukwikil ,kansi mpe kitsen letshia ensik be. ²⁹ To mugne ndale ke nzam ayuda ?Mugne ndepa bwyi nzam boo be?Ee,nda bwyi mpi nzam eboo okin. ³⁰ Itsen nzam alé kemwotuk ,kayir nde avar ngele ngaza le kundim wa nse avar elunung itsen lukwikil ende ka ndimisa avar ngele apang-za be nse avar alunung lembok elukwikil ewa. ³¹ Kansi keti nlim nonsik lembok lukwikil eno ?Mbwa be! Kansi pa nyunu so nsik.