¹ Yakob, nsadi e Nzama mpi e nk'umu Yezu Klitu, apa mbor, lewa a familia djum lipe nge ta opeya. ² Atung a me, o zuk mpasi amo zil no, za no ke losak itsen laza. ³ No yiano ke ntang nge sadil no kundim e no, za apano bir. ⁴ kang no otum,itsen ka zano nsa mpi nse no pe kwano nse eme be. ⁵ Kansi, kozuk wur emwa leti eno ale lamfun e wagna, nda ling wa lewa Nzama, wur nge pa lotum emwa, mpi Nzama kokal nde za. ⁶ Kansi nda pa la kundim, nkatu le yima-yima. itsen wur nge yima-yima ale nse iful ivey, mer, nge nik la wula mpi nge ya tshim ko kamwa. ⁷ Itsen wur ngeni a pekuwa atsuk ngin leva eme lawa Nzam be. ⁸ Wur otin ngeni ale etum epe-pe mpi pa shuom nde bikalul ende ntang kokin. ⁹ Otung ngele ovil be, ayen osak itsen Nzam ko sang nde. ¹⁰ Kansi, wur nge pa va olal, ayen mpi osak ozuk amo meng nde le mbey a mwa. ¹¹ Itsen ozuk vun ame pwe la nsem ebir mpi nkeye pa yum wa. ¹² Wur nge koba leyir mpasi ale le itsen, ozuk nda me nung mumekanu ngeni, ka vande moyo, elak e Nzam nge kiende lewa a var nge pa lang nde. ¹³ Ozuk wur a me kwa lemasum nda kwan letib nda mugne; Nzam e mek me, itsen eshuong ipwa-ipwa ipe kuwu ibin, mpi imek Nzam be, mpi ape kuwu le bin nde ngawa be. ¹⁴ Kansi, ozuk wur ame kie ipwa ile ipwa ende ngawa lemo bana. empi, ntang ngele mpusa epwa emeshue, disum mpi ameshue. ¹⁵ Lemb'yi, ntang ngele disum etshun, ewa mpi ale pipi. ¹⁶ Wur apa djim no be, atung ame. ¹⁷ Makab kokin ensa ti makab kokin pa pawa nkatu le yima-yima, pa fa zuk,lembok e Nzam ngele mwin. itsen nde elende ape shuon be, a pe pa epip be. ¹⁸ Nzama a ke pona avar bagna lubutung, lembok otib ende, itsen so koza nse dikabu labim nge kiende. ¹⁹ Yiano nsa, no atung me falang me, konso wur aya asal le yuwa, aku-kwa lotiba mpi le nke. ²⁰ Itsen, wur nge pa zuk nki elende ape kie eme insa leveyi e Nzama be. ²¹ E fetel no tuna no abim answegne eti eshuong epwa-epwa. Lemfuk no la Nzam, ngulusi mpi yir no leshuong nge tsuk nde leti etum eno. ²² sang azuk no otib e Nzam ke mpil ledzuk,ozuk be,no edjim no; kansi efetel no kiano nge ya ling nde. ²³ Itsen, ozuk wur eyuk otib e Nzama,ke nde ape kie yo be, nda le nse wur nge kiang efwa ende le kitatal mpi nge yena elung ende mpil nge lewa. ²⁴ Ozuk nde ame kiang efwa ende imesia, nda ke mpi nda djim, akal otib nge yinde. ²⁵ Nsik ensa, ile nge pa lima wur ngele mpik e masum, nda pe yuk kempil leyuk be,ke mpil leyira be, kansi nge kie yua nsa-nsa, Nzama ozuk nde ewua, nde ti etshia kanso. ²⁶ Wur pabansa ndamugne ndambuy ti Nzama, kansi ndodum mpil be, nde djim; kinzambi ende ile epu. ²⁷ Kinzambi ensa-ensa lev'yi e taa Nzama, ile le sarsa avan etsek ti ankar mewil awum, lawa mpasi ewa ti lezing lenkeb mpi, itsen eshuong ipwa-ipwa eboo ikwan lebung avar.