¹ A tung nge me, ngena ebwiyi okane eme e zole nga me sonika me itshen la no. Leti enkan eme, me ndaling no zano layel litara lempil e nsa. ² Me ndaling no yieno diaka eshwong nge tib wa mbikudi e Ta Nzama, oyieno mpi along nk'mu, ngulusi Yezu, nge long wa ntumwa nde. ³ Yieno ke lentshi ensuk, ayietwa olala ka monika wa le vey eno. ⁴ Avar ngefa yietwa katib wa, engo elak nde nge tib nde kaza nde? Ba'en ewa anka aso, eshwong ebwiyi kotin emotuku nse le luyantiku e boo ti dzuk. ⁵ Anzetwa, peyie be, ke ba'en etan Ta Nzama akeki boo ti dzuk lotib nde. Ta Nzama ake pur boo leti e vey, nde wur ngeki boo ti vey. ⁶ Ebwiyi mpi ke leti e vey avar soso nge kie Ta Nzama e wawa. ⁷ Itshen la boo eti dzuk ngena, otib e Ta Nzama ayakebisa libebisa za le tshia nge kaza itshen lavar epwa ntang Ta Nzama kakiende mbo kokin avar ipwa. ⁸ A tung ame, yieno ke, le waa Ta Nzama eshu emutuku ebuyi nse mvia nkama-la-nkama, mpi mvia nkama-la-nkama ebwiyi nse eshu emotuku. ⁹ Nk'mu Yezu pe akietan liza be itsen elak nge pa nde ikuk. Kozuk nda akietan liza ebuyi itsen nda pe lang wur a dzim be, kansi avar kokin wa shwom etum. ¹⁰ Eshu kaza Nk'm Yezu, kazawa nso otin nge faza wur ngawum. Eshu ngeni dzuk kadzim wa, mbi mpi kadzim wa, ozak o nene kazawa, abim ekokin kawawa le tshia, boo eti abim ekokin nge leti, ka wawa. ¹¹ Otin ngeli abim ekokin ka wawa letshia, yieno otin nge katar no. Tar no le mpil e nsa, zano la lusing en nsa. ¹² dzel no eshu nge kaza Ta Nzama, eshu ngeli dzuk eti abim nde ekokin ka wawa letshia. ¹³ Ta Nzama ak paso elak liki dzuk inki eti boo inki. Le dzuk ngeni eti boo ngeni atambul nsa kazawa leti. Ebuyi dzuk ngeni eti boo ngeni nga dzul so. ¹⁴ Itshen le eshwong ngena ekokin, a tung ame kino ekokinm litar le mpil e nsa, liza leti masum be, itsen sa dzel eshu kaza Ta Nzama, eshu ngeni na zano le kiese. ¹⁵ Yieno ke kozuk Nkom Yezu ape za kaka be, ebuyi itsen la lusakumun eno. Le mpil ngeni ewur eso Polo akasonika no okan, itsen le shwong ngena. ¹⁶ Le mpil emutuku nde ke sonika eshwong ngena leti, e nkan nde ikokin. Leti ekan za, eshwong o lola ebuyi mpasi mingi liyie za, avar nge le layel be fa tang wuza le mpil epwa, mpil nga kiwa ngeni wa ngaza wa epungm ewam ewa. ¹⁷ A tung ame, me ma kebisa no. blolab no avar ngeni ipwa, blolo sanga no, lukwikil eno. ¹⁸ Zano kaka, leti lukwikil eno lewa Yezu Klitu. Lukum eza e Yezu mvia-la-mvia. amen.