¹ Ambikud ishu ameya oka ngele, avar, mpi along ishu ka zewa mpi oka ngele no. ka yil wano layel malong ngele ebung otum eno, mpi kavueza nk'mu nga shum wa. We bin lentu ewa,abim kakin ngele etwa emvur lewa. ² Olala kalab wa ngin ewa, mpi lembeyi ewa otib, e Nzam epaza lamfun be. ³ La djil ewa, kaling wa koling lapano no, malong e luvun. Ndole ewa epo kie nshu olal be, wur nga mek la djak wa, nde kayen nde wa nsa nsa. ⁴ Itsen Nzam ate wum a Wanzio nge kie disum be, kansi ma sar nde wa lingwa e Tartarus, le bilung, leti eshim, lale dule mbo ensuk. ⁵ Mpi, nda te wum avar antama be, kansi me wum nde Nowa, ngeyi long ensa, nda along amwa asambia, ntang nge tum nde, mpe itsen lavar apwa be. ⁶ Nzam etsuk nde Sodomo nda Gomore tshia, ma pande wa ndol; itsen lepa mban lewa avar nge kie ipwa. ⁷ E gulusa nde loti, wur ensa kiben, nge kum ngin ende bisak-asak itsen la kindum avar ampa-mpan nge yiwa ekie. ⁸ Wur ensa na, nge zing nda wa mvia la mvia, nge yena mpi zuku eshuong ipwa nge kiewa, mo pawa osaya lotum. ⁹ Nzama payiande le gulusa avar pa tar nsa letshia nde; kansi otin nge ka pande ndola ti eshu ka sambisa wa. ¹⁰ Nda etele lepa ndola onshuna le wa avar palanga mpusa idzunga ti nga pa vueza dzen ende. Wa pe zirsa Awanzio nge pa kie ekuk be, wapa tui wa la wa. ¹¹ A Wanzio ale bir mpi lakey enen, kansi wa-la-wa, ape kie atwu leveyi e Nzama be. ¹² Kansi, wa kie eshuong nse aniam ngele ape yindul be, nga kir wa itsen ledzaka. Wa pe yia nge twu wa be. ¹³ Wa ka vey wa omfre etsia ewa ipwa-ipwa. We bansa, lekie wuo ti ekuk mbi okin, ile emie ensa. wale nga pol la nshwegne mpi otum ewa nsa be. Pa yen wa osak lishu ntang pa zawa lewa fer. ¹⁴ Wa me lang le ling ankar anduma itsen lekie ankiey wa wa. Wa paliegne enkie masum be. Pa bin wa avar ngele wagne be le masum; nza ekre lewa-wa. Wale nga sing. ¹⁵ Wa me ying mbok ensa, wa me dzima mpi, elab wa mbok e Balam van Beyor, ngeyi la nza ekre ivre. ¹⁶ Ata wa mpunda apa tib be, kansi mpunda emwotuk etib nde nse wur; e ngang nde mbikur Balam leshuong ende epwa nge kie nde, mpi mbikur ni me sang nde ko sang. ¹⁷ Avar na ale nse nto ngele vey be. Wale nse ebung nge nig la wula. Nzam ame wuma wa ndol ebir. ¹⁸ We tib la lulen empa-pam. we bin avar nge lang pite, itsen wa bin wa le kie masum. ¹⁹ wa laka wa bunsomi, ke wa nga wa ale ampik, avar nge pa lang mfegne ewua. Itsen wur ale mpik eme kokin nge po yala nde. ²⁰ Wur nga me sab leshuong ipwa-ipwa e boo lembok otib e nk'mu mpi ngulusi Yezu Klitu, nge me yia, ozuk nda pe yir lekal lewa mbok ngeni diaka, etumu nga za mbeyi, aza wa onshun la ngeyi oso. ²¹ Ile kutu nsa lekwana leyia otib e Nzama, kansi pe buyi nsa be, no yiano za, lembeyi, no pe tuna no nsik e santu nga pande no. ²² Kingan ngena ile mfun itsen lano:"mva nga me kal lela ndwiyi ende nga za. Ngwil enga zok vey, nga me kal leti atora".