¹ Me Petelo, ntumwa e Yezu Klitu, mem sonika no, avan Ta Nzama ngele le wa angiengne nge fa viwa Galata, Kapadose, Aziya ti Bituni. ² No buyi no avan a Ta Nzama, le luzol nde ngeza. No buyi no avan ande le luzol e mpeve e Santu, itsen mpi akiel nde, kazok wa no nse veye, itsen no zano otshiem. Nsadisi e Ta Nzam etit ngem nde eza le wa no. ³ So kumisa ya Ta Nzama, Ta e nk'm eso Yezu Klitu, itsen la ngie nde e zwiyi nde Yezu leti ewa, itsen lipa so bir le lukwikil eso. ⁴ Lempil nga dzel eso abim a Ta Nzama, nge kapande le wa avan nde, e buyi abim a ntal e lewa epe bie be, Ta zama a wum za le dzuk itsen lano. ⁵ Itsen la no, bir e Ta Nzama eza le kati e lukwikil eno, itsen no zano le kati ngulusa, nge kamonika wa le ntswi e nsuk. ⁶ Zano le kiese, ata kozuk no kazano leti ewa mpasi, ⁷ Avi a ntale fayien wa mpasi leti tshia, e buyi otin e motuk la lukwikil eno, nge e buyi ntal olola lileng avi, kayen wa mpasi itsen liye bir eza. Oti ngeni no kazano le kiese tang ka za Nk'm Yezu. ⁸ Na long no Yezu ata wa to yene nde be, na yir no nde ata wo to yir nde be, zano la kiese olala, ⁹ otin ngeni ma kavey no nfutu e lukwikil eno, ne ebuyi lusakumunu eno. ¹⁰ Itsen la lusaku;una ngeni wa mbikudi e Nzama e tib wa.... ¹¹ Wa aling la liyie, kozuk so buyi le tang nge tib mpeve e Klitu, itsen e buyi mpeve ngeli leti wa, eyinde okape wa mpasi Yezu Klitu e mpi kembo nde. ¹² Ta Nzama akakab wa mbikudi nde, nsang ngele wa laza, pe e buyi itsen la wa kaka be, e buyi itsen la no mpi. Wa nsang za fa zuk no za le wa avar nga falak o tib e Ta Nzama, avar ngeni fatib le bir mpeve e Nzama nge fi le dzuk. Wanzielo mpi wa ling wa yie eshwong za. ¹³ Itsen la za, zano layiel litara. Tshuk no lukwikil eno, le wa akap e Nzama nge vey no tang Yezu ka za nde. ¹⁴ Kieno luzole e Ta Nzama, blolab no eshwong e soso ngeyi aki no ntang ngeyi se avar asob. ¹⁵ Zano avar ngele nsa masum be, itsen Ta Nzama le wa nde masum epe za be. ¹⁶ Otib e Ta Nzama a lak so: blozano la masum be, itsen me Ta Nzama le wa me masum be. ¹⁷ Tang nge fasam no Ta Nzama, nga fa sambisa avar, lempli ipwa, nge me kiende, itsen laza tar layiel le boo ngena, zano mpi la luzir le wa Ta Nzama. ¹⁸ No peyieno be otin ngele Ta Nzama a lim no leti eshwong ipwa nge kie anka ano. Pe yiwa le mbok eshwong e mpamba mpamba e boo ngena be. ¹⁹ No melim no, le mpasi, itsen la akiele e van Ta Nzama Klitu, nge dzak wa nse limeme ngele nsa kifu be. ²⁰ Ta Nzama akeyidika eshwong ngeni ekokin ba'en letan itsen la Yezu, nda me lak za le wano, le ntswi ngena. ²¹ Le mbok Yezu na yir no Ta Nzama nge zwiy Yezu leti ewa, no pa nde lokum. A tung ame tshuk 20lukwikil20 eno le wa Ta Nzama. ²² Zano la luzol le kati eno. No buyi no avan e Ta Nzama, itsen nazano la luzol le kati eno. ²³ No me butuka no diaka, pe e buyi lubutuku nga wur a Ta no be, kansi no mobutuka no le mbok otib e Ta Nzama ngele nk'm nge pe wa be. ²⁴ Wa kasonika lokan e Nzama, avar ekokin eti lukum e wa, wa buyi nse nkeye evele nga faka ntu le tshia. ²⁵ Kansi otib e Ta Nzama e buyi mvia la mvia. Otib za e Ta Nzama e buyi malong Yezu nga long wu no.