¹ Atung a me ampam et'anbama ntang me zame loso eno ,me mpezabe lotiba ivre eti wagna lere ngekab-me masong enzama loziya . ² Kansi memo sil lale vuwam leyia lere nge yime leti eno mente lina lima klitu nge gomwa le kulunsi . ³ Ma yime mano ,lolen ,la woma,la ivre atiera. ⁴ Ntiba eti wa malong eme ya fawa be fawa be la nza lebina avar ayel la ntien,keza ayiwa eka(obug emwa) labir e mpeve santu ngeyi emonika sieme la malong eme. ⁵ Itshen lukwikil eno ape zabe la wagna avar kansi yaza la birenzama. ⁶ Tang ngena atung ,abim ngapa long-so lewa avar ne suma le kimuklitu ,zabir ayel ,kansi pale ayel be e wagna avar pe yala avar abo ngena ,itshen kimfun ewa ku wuza. ⁷ Ayel oso ngapa kab -so ,zabwiy lukum e nzama ;ethsoung ene ngeyi loziya ,nkasi nzama apung -nde oso lewa mvia kanso sam lande le vey avar osak ende. ⁸ Ata ntwadisi e mvia ngena ,apato yia be wagna ngena ,kansi wayia za,wa iyawa ata yom be nkuma le kulunsi ,nde wur pakaba nkema enzama . ⁹ Otin me son wa lekan esantu sekabe ame ngena viy ata yen be, ngena ati ata zug be,otum avar ata yir be,ngena nzama nda imie nge pung-nde itshen l'avar ngeni nga lande-nde. ¹⁰ Atung ethsoun, ngena ,nzama pakab -nde yale e mpeve santu ,sam mpeve ende pamonika wa labim kanso ,ata kimvuam ewa ngin paza loziya le ngie otum enzama. ¹¹ Epube leti avar ,wur ni nge lenayia kinswek engin ewur?Ale le mpeve ewur ngeni nda imie ,otin ngeni ata wur emwa be alen ayia kinswek enzama ,ke mpeve enzama nga yia. ¹² Sopa me vey be mpeve lokouma ebo ngena be ,kansi mpeve santu epwepu la ethsoung ngena nzama apeto pabe. ¹³ So setiba ethsoung ngena ,wagne empam ngena ape long be ,ngena mpeve alongawur mpe e santu ekiba e mpeve eti angel e mpeve. ¹⁴ Wur ngena mpeve be ope va be abim ngena la mpeve enzame be,ola mpura ,itshen lande nda po yia be,kansi ale mpeve nge longug-nde. ¹⁵ Wur ngena la mpeve santu paa nde ethsoung kanso ,kansi nda pa len leswe le mbou avar imbibe be . ¹⁶ Ni nge yia ngin e nkouma ndolong kansi sote kwa be le ngine e klitu.