¹ Me polo enzama nga me vinde la luzol ende sam leza mbikul eyesu klito ,me mbwiy mo ntung eme sosthim. ² Lala song no avar ata nzama ngena le dibun lewa enen le korintho ,no avar aklitu ngama pande mpeve ,no avar ngena la lukwikil l'aswong e santu mbog emwa eti avar ngena we sak le luonso wa djen eklitu nkumu eso . ³ sang -no nzama ngena taa so ,ti yesu klito ngena nkume wa pa avar dikab eti ngem . ⁴ tany kanso ,me ntepa lukum lewa ta nzama ,itshen laso,sam la lukum ,la ngeme enzama pande no ,la yesu klitu . ⁵ Epube ,no avar nzama za okab amwa eti klitu ,nzama ame fulusano la kimvwam kanso,eti le yia eshwong ende le long otibe enzama ,eti loyia ende. ⁶ Lempil ngena no ya ntem e klitu nzame za bir letun eno. ⁷ Itshen laza ,niopokwan na be dikab nzama ,obug emwa eti ngem ,no avar nge kung tang e nkum eso klitu ngaze monika nde. ⁸ Nde wur n ga pa sono bir nga lwa ita eno tii lensuk ;otin ngeni nopoza no be le kufu epwa ,ata wur emwa be ,le lere nkum eso yesu klitu ngaze monika nde . ⁹ Itsen nzama pa djim be ,nde wur nga vino le zing oka emotuwa la va nde klitu ngena nkum eso ,ndapo thson ndin ende be. ¹⁰ Otung ame ,meta wan no le djin enkume eso yesu klitu ,zano na nanso otum emwa ,obazing no be la nkabon za no oka emwa no laza no avar a ngin emwa. ¹¹ ame atung avar a mwa so é me kab :mpe zano oka emwa be . ¹² ze lak we:konso wur leti eno etiba otine na :me wur e polo ,inki nde (me wur e polo )mwa diaka nde (me wufr e pierre ) (me wur e klitu ) . ¹³ Keti klitu ale wur enkaban ?Keti paul wur nge wi le kulunsi itshen laso ?To na butuk no le djin e polo? ¹⁴ Mete paa nzama lukum ,itshen nsa wur be leti eno akampa mbotik ,lima crispus eti gayusu . ¹⁵ otin ngen ata wur emwa be ntibe :no avey no mbotik le djin ime . ¹⁶ Pado ! me no ying familia e stefana ngepi me mbotik ,lim no avar ngena ,me mpa yen be wur emwa ngapa ,pame mbotik. ¹⁷ Atung klitu pa ntum -nde be lepa mbotik, nda ntum-nde le long otiba enzama ,layel avar abo be ,letiba ethsoung itshen la kulunsi ,itshen kulunsi nde aka kwa lukum . ¹⁸ atung malong ekulunsi ngepa nde ,ye monika bonso ozob le viyi avar ngeka lewa,kansi itshen laso nge ka le lugulusu,wabwiy bir enzama . ¹⁹ itshen wa meson lenkan enzama meka djay-me wagne antien ,meka loy me nsuk la wagne anga ayel. ²⁰ Ango diaka wur ewagna ?Nga wur enga lany ivre?Ango wur nde long avar wa ngin insa ebo ngena ?Wagne ebo ndena,keti nzama ame kumisa za ozob ? ²¹ Bagna avar abo ngena ,ngame ying -wa nzame la wagna ,ngena wabikuk-be le yia nzama letshia ewa ,nzama ka gulusa nde avar lukwikil avar nge yira be lubug ,ozob ,me avar nge mwang nsang ensa. ²² Atuny tang ayude ngeling wa mesiya alok bidim bikamwa,ntang ampagna ebo greco ngafa ling wa wagna ewa. ²³ Kansi nselong itshen la mesiya nge yam wa envura lekulunsi ngem sakub sam la yuda ,lozob leviy ampagna. ²⁴ Itshen l'avar ngena nzama evi ,ata wa biy ayuda ata wa grek,klitu abiy la bir enzama abug emwa la lukumu ende. ²⁵ Kansi ayel enzama eti wagna ende ale enga ling avar ,itshia enzama emonika bonso avar nge kwan bir ,masoni ende ale enga ling avar. ²⁶ yira no ,atung ampan eti ankare ,leviyeno:ale-le liti eno olala avar be awagne,itshen la nsik avar ata anga bir be ,ivre be ngena le familia e lukumu. ²⁷ Kansi ngena ozob le viy avar abo ngena ,ale ngena nzama ame pon le pa nswen lewa avar falog loso ewa bir iwa . ²⁸ Emie ngena avar abo ngena we vweza wa,ngena la itshen empa-mpam,ngena ngafa yen wa bonso (yabe)nzama a pon -nde za itshen le lag wa'' ngabiy'', ²⁹ Ngena kanso ,lempil ngena ata bikam emwa be a ki lulen loso enzama. ³⁰ Epube ,nde wur fa zing -sa nde leti e yesu klitu ,ngame kuma,la lukum eti masong e luzing ,ndeka sadisa nde avar,ngena nga gulusa avar . ³¹ otin me tiba enkan e santu : wur ngena la lulen be, nda kira lethsoung enkuma me kiende.