¹ Aga sonigidi gwena wanzio wu dibundu di sardi:" dala ndaga yi mudu yo ugagamini mihunga nsambwadi mi nzambi ye mioda nsambwadi ² "Ami ngisi isalu yenu,wena ye gimbangi gigukala ye moni ha ayi uga fa. Hinduga ye baga ngolu ayo isala ye yena mumbuga ilufa.Mumwila ami lo idadidi isalu yayi pimbu gu mesu ma Nzambi . ³ Mugio,wibuga mapanzi mogayambidi ye mogefidi.ijidusi ye walumuna mujima,ha mbi ayi lo wanzulula meso,ami migesa nga mwimbu ye ayi lo ugesiya dangu diegi igesa gwena yi. ⁴ Ha gwena ye makumbu ga ndambu gwena hadu a sardia aho aga gonzidi gubumbusa miledi miowu.Owu ma genda ye ami.Aga vada miledi mi mpembi,mumwila owu ena hadu a pimbu. ⁵ Ayo ga binga aga vada miledi mi mpebi,ami lo iga vunga kumbu yezi mu muganda umoni,ami miga danganga kumbu yenzi gu mesu ma dada wami ye awanzio. ⁶ Ayo wena ye madwi efi ayo ibagu hosa muhunga mu mabundu. ⁷ <>. ⁸ Ami ngisi isalu yenu,dala,ami migasa gu mesu mayi mbelu imosi wasi mbi mudu umosi lo ufana guganda.Ami ngisi mbi ayi wena ye ga ndambu ga ngolu,ha ayi muga lemvugidi mu ndaga yami ye ayi loga dunini kumbu yami. ⁹ Dala,hadu ho yena gu nzu i sambu i sadana,aho agudilenziganga azwifi haa owu lo en a zwifi,owu magudi fudanga kega.Ami gesa gwa dwala agufugamana gu milu miayi ye owu magesiya mbi ami migu zola. ¹⁰ Mumwila ayi muga gebidi mushigu wami mugu ganda muzima,ami kega migo geba mu dangu di minianga di migabula mu gifidi gi kima mugusa mugisalu hadu agifudji. ¹¹ Ami ngiena mu gwisa diodi ganda muzima,mu mpila mbi mudu umosi loufana gu dambula pu igifumu. ¹² Ami migagidula mudu yo ga binga gunda di nzu i Nzambi wami ye yeyi lo aga duga.Ami miga soniga mugadi dienzi kumbu i Nzambi wami,kumbu yimbu di Nzambi wami,(Yelusalemi di mpa diga duga gu wulu,mumbimba i Nzambi wami),ye kumbu yami yimpa. ¹³ Mudu yo wena ye madwi efi ayo ibaguhosa muhunga mu mabundu. ¹⁴ Soniga gwena wanzio udibundu di Lawodise:"dala giba hosa Ameni,mbangi uga gidimu gigidi,ayo uga yala gima gi kima gi gasadidi Nzambi." ¹⁵ Ami ngisi isalu yayi, ayi lowena pewu lo wena twiya ami izola mbi ayi ukadi twiya mbi lo pewu! ¹⁶ ha mumwila ayi wena ndambu gatwiya lo wena pewu lowena twiya ami ngiena mu mbuga igu luga mu ganu diami. ¹⁷ Mu mwila ayi mugudi hosilanga mbi:<> Ha lo wisi mbi wena mudu mu pasi,ugonda mfunu,mpofi,ugafa mesu,kagi. ¹⁸ Wifa longu diami:sumbidi mi wolu waga lamba gu twiya,mu mpila mbi ayi ugumi mvwama ye miledi mi mpembi mi gugega mu mpila mbi ayi udi vadisi mugu gonda gulesa soni zi kagi yayi.sumba masi mugudi singa gu mesu mayi mu mpila mbi ayi udadi. ¹⁹ Ami ngiena mugu longuga ye ngiena mugu longa hadu akima eguzola,mpila yafana guzinga.kala pwede ye soba manunga . ²⁰ Dala ami yi dumba manini a mbelu ngiena mugu bula.mbi mudu wefa ndaga yami ye wanzulula ami mi gengila mu nzu yenzi, miga dia ye yeyi ye yeyi y'ami. ²¹ Gwena yo uga binga,ami miga muhwa mbuga igu bwa hasi yami awulu gidi gi gifumu nga giogo giga bingidi mi ye giga bwidi hasi mu kugu i dada wami a gidi gienzi gi gifumu. ²² Osi mudu yo ena ye madwi,efi mapanzi maba guhosa muhunga u Nzambi mu mabundu.