¹ Aho, idala wulu impa ye manu ma mpa, gitegu mu mwila gu hulu ye manu maga bididi, ye ma nzadi kega. ² Didala gu hulu, mbu d i mpa yelusalemi munu gu gulumuga ye gi Nzambi nga mugonusa uwala. ³ Mingiefidi ndaga miunu gu hosa:« Dala! nzu yi Nzambi ye hadu agu zinga guni aga kala hadu a Nzambi ye yebeni agakala wa owu. ⁴ Magwa gadula sanga, lufwa, mi nianga, dulu ipasi yima yi gulu miga hida.» ⁵ Yeyo ubwidi hasi m'ahosa: «ibagusala yima impa.» ⁶ Dia hosilula: « Ngiena luyanzigu ye nsuga, ayo hena ye pwisa yi mema, esi gunwa gu mugedi gu gonda nzimbu. ⁷ Ayo uga binga miga kala Nzambi wenzi. yeyi agu kala mwana wami. ⁸ Ha mu mwila a nganga gi hani gienu giga kala muziya di twuya. lu fwa di mbadi.» ⁹ Wanzio umosi wesa gu ngiena mi ye goba di minianga nsambwadi dia hosa: « Awisi, igu lesi mugonusa, uwala.» ¹⁰ Mugio twala mugi mpeve gu muselu, ubanda gu ndesa mbu di santu munu gu gulumuga mu kabu yi Nzambi. ¹¹ Yelusalemi ngiena mu migembu u Nzambi, mwinda wenzi munu guzuma nga wolu, nga mani. ¹² Akwezi ibaga idadi ye mambelu guni ye madi ye awanzio gumi ye ma madi mu mambelu. makumbu ma iganda ma hana Isaleli mu mambelu. ¹³ Maga kedi ye mambelu masadu gu guduga dangu, masadu gu nodi, masadu gu sud wa masadu gu ouest. ¹⁴ Ibaga, igakedi wa ishina agasoniga makumbu mia nganga Nzambi. ¹⁵ Mudu udusalanga yenzi undesa mugu desa ma mesure ma mambelu ye ibaga. ¹⁶ Ibaga iga kegi gifa gimosi mumilu mafunda gumi ye midi madi. ¹⁷ Mbelu yiga kedi kama zi mosi ye magumi iya ye iya, nga mudu gigeledi nga wanzio. ¹⁸ Ibaga igakedi mu molu gifa gimosi nga gi pela. ¹⁹ Ishina miga kedi mi pimbu. gitegu yaspe, gimbadi safire gi, dadu agati, yi ngwana emerode. ²⁰ Yi danu gu sardoni, gi sambwani Kristoti, yi nana berile, yi vwa topaze, yi gumi krisopraze. ²¹ Yigumi ye mosi yiga kedi yigumu ya perle, konso mbelu iga salamanini ye perle. Ma mbelu gumi ye miadi, miga salamaini mu ibende ma balala miga kedi mu wolu. ²² Logomi idadidi nzu yi Nzambi gadji ga mbu, mwila yebeni Nzambi mweni ngolu ena hoho. ²³ Mbu dio, lo dikedi ye nfunu yi mwana mbi lo ngonzi mwila ngolu yi Nzambi yi ananga mwinda mu ihani ikima. Hadu agifudji a idanga mu nsemo yo. ²⁴ Afumu a dwalanga imvwama yowu. ²⁵ Ma mbelu lo iga gandamana mu mwani, piba lo iga kala. ²⁶ Magesa gu mudwadila, imvwama wa lugumu yima yibi l o igengila. ²⁷ Mudu yo usala mabi lo agengila, ayo buma ena ye kumbu mu muganda umoni u Nzambi.