¹ Gunima,ami diga dadidi wanzio ugadugidi gu wulu gu miogu yeyi aga kedi ye fungulu di wumbu di twiya,ye gu miogu mienzi agakedi ye sheni. ² Yeyi diaga gaminini Dalagoni,nioga mugulu kumbu yenzi yigakedi Sadani mbi lo Diabulu,ye yeyi diaga musidi mu bologu mu gusala go mamvula funda dimoshi. ³ Yeyi diaga mombidi mu wumbu di twiya,diaga diganzidi ye diaga gadjidi mbelu yo yigakedi awulu dienzi.Asadidi gio mu mwila yeyi agonzi gufuda kega gifudji de gogo gwaga gugisa midjiga funda dimoshi.Gunima digio,yeyi maga mwega mu mwila gadangu dambu. ⁴ Gunima,ami migadadidi yidji yi gifumu.Hadu o agabwidi hashi,gugakedi hadu o aga wedi yeyi giyega gigu sambisa.Ami miga dadidi kega gudadi mioni mi hadu aga gamugidi mu mwila gimbangi gi Yisu Klistu ye mu mwila ndaga yi Nzambi.Owu lo aga sambididi gidegi gi shidu yo,ye owu maga dunini mu gusenda gidimbu mugusa atulu yowu mbi lo mugu gisa gu miogu miowu.Owu maga ginzigididi mu luzingu ye owu maga yadidi ye Klistu miziga funda dimoshi. ⁵ Hadu amoshi aga sadidi agufwa lo aga ginzigididi mu luzingu de gogo guga guga miziga funda dimoshi.Gwena lufudumugu lutegu! ⁶ Lusagumugu lwena gwena muduyo wena musantu,ayo ugasenda gabu mu lufudumugu lu tegu!Lufwa lu mbadi lo luga kala ye ngolu awulu hadu o .Owu aga kala anganga Nzambi a Nzambi Mpungu ye a Yisu Klistu,ye owu maga yala ye yeyi mu mwila miziga funda dimoshi. ⁷ Gunsuga yi miziga funda dimoshi,maga dusa Sadani mu bologu. ⁸ Yeyi maga duga mu bologu mu mwila gufuda gifudji mu masulugulu mawana ma gifudji-Gogi ye Magogi,mu pwisa yi gwagosigisa mu mwila gidumba.Owu aga kala kega engi nga ndumba zi zelu mu nzadi. ⁹ Owu magenda awulu manu ye maga jeda manzu ma asantu makima,mbu dio diguzola .Ha twiya mudu gaduga gu wulu ye mudu galungusa. ¹⁰ Diabulu ayo udi fudanga yeyi maga wila mu gwenda gudiomba mu gadji ga gijiya gi twiya,ha gihani gio gia gombidi tegu Shidu yo ye ambigudi abi.Owu aga kala mu gidilu gigonda nsuga. ¹¹ Gunima,ami diga dadidi,gidji ginenu gimpembi,ye maga dadidi kega mudu yo uga bwidi hashi awulu gidji gio.Manu ye wulu mu maga djinini gudadi yi mbunzu yenzi,ha yeyi lo agakedi ye gihani giafana gwenda. ¹² Ami miga dadidi hadu agufwa,ambuda ye ana dulengi,azangu lugidi gu mesu ma gidji gio,ye muganda ugakedi washi.Gunima,muganda wega wugakedi washi-Muganda umoni.Hadu agufwa maga sambisamana mu yoyo yaga sonigidi owu mu gadji ga muganda,miluda mi mapanzi mommaga sadidi. ¹³ Nzadi maga luga hadu akima aga fidi mu mema.Lufwa ye malumba muma maga hana kega lowu,ye hadu agufwa maga samba mu isalu yowu yaga sadidi. ¹⁴ Lufwa ye malumba maga lumbila mu gijiya gi twiya.Ayo yigala lufwa lumbadi-Gijiya gi twiya. ¹⁵ Mudu yo ugagonda kumbu yenzi mu gadji ga muganda wo wu moni maga momba mu gijiya gi twiya.