¹ Gunima, yidadidi wanzio ugulumuga gu hulu. mugi fumu gikima gifudji gi kima gi mioma. ² Dia hosa mu ndaga yi gola:« Ubwidi! ubwidi Babyloni mbu dineni! giesidi nzu ya logi nzu yi mihunga mibi, anzila habi. ³ Gifudji muhundu m'aga nwidi magana menzi mabi. Afumu maga bwidi gwena yeyi Adegi akima maga vwamugidi mu luzingu lwenzi mu lulendu.» ⁴ Adi mi ngiefidi ndaga yega gu hulu:« Gadugena mu gazi giowu, mwila nugonzi gu senda ndola mu masumu mowu. ⁵ Nzambi udadidi masumu mowo mena mengi gu mesu menzi mbala ziadi ye goba zienzi zi masumu. ⁶ Nu muginzigisilenu yo ya sala gwena hadu yega, nu muwi yima mbadi muyo ya sala; mu goba dia vugisa, vugisa mu mwila mbadi. ⁷ Dia lusigisa mu luzingu lwenzi muginzi gibidi mahangi menzi dia hosanga mu mudjima: «Ibwidi hasi nga fumu mugonusa; ⁸ Lo igonda mulumi, lo igakala mugu dila gisi lo ufugu umosi buna buna minianga imwisila, lu fwa, nzala maga mu lungusa, mwila Nzambi ena ngolu.» ⁹ Afumu a manu aga tegi izumba magadila mu gufa giowu maga boguda dia ga dala twiya yi Nzambi. ¹⁰ Aga kala tama mugudila: « Kenda! kenda! gu mbu di Babyloni mbu di ngolu dangu di mosi buna pasi zidula.» ¹¹ Hadu a mosi abagu dila na mwega afana gwa simbila yima yowu. ¹² Yima yi ori, ma mani ma talu, minengu, ma bayi ma pimbu, ma pugi ma pembi, ma nzogu bionze, yi bende. ¹³ Mananashi, bidi, vinu, mashi, fadina , ma mema, ma ngombi ye ma pusa, wa apangi mu gimpeve. ¹⁴ Ndumba ziayi zia gudadi. lu lendu lwayi zi bila lo zigumonigulula. ¹⁵ Yima ipumbi zidina gudadi mwila woma, idilu mu ndaga ingolu. ¹⁶ Maga hosa:« Kenda! kenda! mu mbudi gi vadanga miledi mi ntalu! ¹⁷ Mu dangu di mosi udi bebisa.» hadu gu dwadisa nzanza, hadu gu yida gu mema a dinini gu dadi. ¹⁸ Dia dala twiya munu gu zumu abanda gu hosa:« Mbu digi diena nga mbu dineni?» ¹⁹ Alugwida fuba mu mwila a banda gudila mugu boguda:« Kenda! kenda gwena hadu a kima akwezi gimvwuama. mu dangu di mosi ma gwa ziya.» ²⁰ « Sebilenu asantu, a nganga Nzambi, a mbigudi, mwila Nzambi wesa guduala masonga menzi!» ²¹ Wanzio ungolu usenda mani udi mbila mu nzadi mugu hosa: «Mu gio, Babyloni mbu dineni, giesa gudilungula hashi gintulumugini lo lugumonigula. ²² Hadu gubula idadi, amvudi mvudi maga waluga. si mudu umosi lo agumoniga. si ndaga imasini lo igwifilagana. ²³ Nsemi yi mwinda lo iga moniga. lo du gefulula ndaga imulumi yeyi mugonusa. mwila akala hadu gifudji, alogi maga fudjidi hadu. ²⁴ Magila, mia mbigudi mi hadu mu gifudji»