¹ Wanzio umosi mu gadji ga a wanzio nsambwadi agakedi ye mobolu esa gupusana gwena mukugu yami ye dia ngambila:« Awisi miya gulesa ndola ya ga wa andumbu aho aga bwa hashi mu mema mengi ye ² Afumu a manu agasala gindumbu ye hadu a hashi aga guma gusala mapanzi mabi gichina yeyi.» ³ Diaga twadidi mu muhunga gi gifudji gi washi ye yidala mugonusa umosi uninini awulu hidu mubenga aga soniga makumbu magisagasaga. shidu yo agakedi ye midu nsambwadi ye ibongu gumi. ⁴ Mugonusa yo aga vadidi miledi mitalu mibenga, agavadidi kega yima yi madwi yi wolu, to agakedi ye yima italu buna yima ikimina yaga kedi yoyi mu miogu, igakedi ibi bun a yo ibi igu sadila gindumbu. ⁵ Gumbunzu yendji aga sonigidi kumbu yi: « Babyloni di neni, maya wu mapanzi mabi mu manu.» ⁶ Idadidi mugonusa ye magila menzi ma kwigishi ye magila menzi ma lufa lu Yisu. Diga mudadidi igalungisidi gwingi. ⁷ Ye wanzio didi Ngambila mbi:« Mwilagi ubagulu yangisila? ibadi gulesa disongila di mugonusa yoye shidu yo akwedji. Shidu yo ugakedi ye midu nsambwadi ye ibongo gumi. ⁸ Shidu yuni wudadidi mugu zinga, lo kega ena nwanonu, azola guduga mu wumbu di twiya. Kega, mugubebisa. Aho agu zinganga hashi aga gonzidi ma kumbu; umoni banda di gabanda gifudji; maga yiduga mu gudala shidu ayo mugulu, ukonda, ayo wena heyi heyi mugwisa guginjigila kega. ⁹ Aha gu balomba ndungi ye gimbangu. Midu nsambwadi mi balesa, miselu nsamwadi amio mia bwila hashi. ¹⁰ Gwena kega ya afumu nsambwadi, tanu aga bwa, umosi wena ye umosi lo gwisa tegu mbi wesa kega lo agulama. ¹¹ Shidu yo ugakedi yeyo ukonda ena fumu unana; ena mugadji ga fumu nsambwadi ho akimina ena mwila gu bebisa. ¹² Ibongu gumi yi udadidi ibadi gulesa afumu gumi aga konda gwigila mugi fumu gi Nzambi, dio agazwa gifumu mu mpila yi gifumu shi dangu di mosi gihani gimosi yi shidu. ¹³ Ena gigweledi ye agulu hananga gi fumu giowo nga shidu. ¹⁴ Aga nuanisa lumema. kega lumema mu lugabinga mwila ena Nzambi wa a Nzambi ye fumu wa fumu ma gadji lwedji, ena agalendjiga, agapona, ye agulemvuganga.» ¹⁵ Wanzio dia ngambila:« A ndumbu ena mugadji ga mema ama mo badala, ena hadu a giganda yenzi, ye gifudji ye ma ndaga mengi. ¹⁶ Yi bongu gumi yu dala ye ashidu maga sumbanga a ndumbu. mugu gonda gu soni maga solula mwila gu lesa yowu, maga dia misuni miowu ye maga lunguga gu twiya. ¹⁷ Mwila Nzambi agasadidi mugonusa mu mudjima miowu mabanza ma gusadila luzolu lwenzi ye mwila gu gumbula gu hana gifumu gwena shidu ti diodio igaguga ndanga i Nzambi. ¹⁸ Mugonusa ayo udadidi ena vula dio dibaniada afumu akimina amanu.»