¹ Ama mena mapanzi ma Yisu Klisto maga nulesidi Nzambi mugulesa asadi enzi mapanzi magesa gumesu. Dwesiya dangu dia gadumisidi wanzio gwena sadi wenzi Zwani. ² Zwani dia da gimbangi mumwila mapanzi ma Nzambi ye gimbangi mu mwila Yisu, mu mapanzi magadadidi. ³ Lugumu lukadi gwena yo, uba danga mu ndaga igola, yeyo uba gwifa ndaga ya mbigudi ye gulemvuga mu mapanzi magasonamana mu mwila dangu di dula. ⁴ Zwani, ye manzu ma Nzambi nsambwadi gu Asia: lugumu ye pwede lukadi gwena yo, ugakedi, uba gwisa mu mihunga sambwadi gwena gifumu gienzi. ⁵ Yisu Klisto, wena mbangi utegu mu lu fwa ye fumu wa fumu mu gifudji gimanu. Gwena yo uguduzolanga yeyo ugu dugala masumu medu mu magila menzi. ⁶ (Ye uga sala mu mpila mbi dukadi afumu gihani gimosi ye yeyi, ye aga dugumisa a nganga Nzambi); ye gio lugumu ye ngolu lukadi gwena Yisu Klisto mvula ye mvula! Amen ⁷ Dala, hesa mu maduda, mesu maga mu dala ye mo maga mugunini yonga ye iganda ikima yi hasi miga gadanga mwila yeyi. gugagidi! gwena giogio! ⁸ « Gwina utegu ye insuga,» Gi hosa fumu Nzambi, « Yoyo wena, yo gakedi, ye yo gwisa hana ngolu» ⁹ Ami, Zwani ( Mbaye nu uba gusolula ye anu mu minianga, mugu ganda mudjima gwena Yisu), Higa kedi mugi sanga gi Patmos mu mwila ndaga yi Nzambi ye gimbangi gi Yisu. ¹⁰ Yiga kedi mugi mpeve mu fugu hu Nzambi. di ngiefa gunima diami ndaga ineni nga hu mvudi mvudi, ¹¹ Ahosa:«Soniga mu muganda ayo wu badala ye dumisa gu ma bundu nsambwadi: dumisa gu Efeso, Simirni, Pergami, Thiatiri, Sardi, Philadelfia, ye Laodici. » ¹² Di yalumuga mu gwisiya ndaga yo yina, gi gu gambila, dangu di gwalumuga, idala yima nsambwadi yi wolu ya gusanganga mwinda. ¹³ Mu gadji yi yima yo, iga kedi ye mudu nga mwana di mudu uvadidji mvela hipembi ye mugaba wu wolu ha mudjima. ¹⁴ Mudu dienzi ye dubu dienzi duga kedi pembi nga mavuni ma lumema gudi gudi nga mvula yi pembi mesu nga ludimi lutwiya. ¹⁵ Milu miendi mizumanga nga mabengi ùma bronzu, ndaga yenzi nga lubu luneni lu mema. ¹⁶ Hugamini mioda nsambwadi mu gogu di dada ye muganu dienzi muduganga pogu yi kabu ziadi mbunzu yenzi isumanga nga dangu dio di gola. ¹⁷ Dangu di mudala, di bwa gu mulu mienzi nga mudu ga fwa ye dia sa gogu dienzi digi dada gu ngiena mi ye dia hosa: « Gwifa woma lo, ngiena utegu ye unsuga, ¹⁸ Ye ngiena yo uba guzinga mvula ye mvula ye yiga gama fungula yi lu fwa ye ye mafugu ma hadu mag fwa. ¹⁹ Soniga ayo y'udala, yo yena ye yo yigesa. ²⁰ Ha muluswegama mi mioda nsambwadi miga dadidi gu miogu miami migi dada ye yima nsambwadi ya gusanganga mwinda: Ma mioda nsambwadi mulesuga a wanzio nsambwadi a ma bundu ye yima nsambwadi ya gusanga mwinda gulesuga ma bundu nsambwadi.»