¹ Fumu magesiyiyi mbi Afadisayi magefidi mbi yeyi munu gobodjiga ye gusala mambu guhida alongogi a Zwani. ² Madangu mengi Yisu lo abodjiganga ye beni, ha gugakedi alongogi enzi. ³ Mu gio yeyi dia gagadugidi gu Yudeya, ye dia gagidjigididi gu Ngadidi. ⁴ Nga gia gazodidi mbi owu afana guhida gu Samadiya, ⁵ Yeyi dia dula gu mbu dimosi di Samadiya, kumbu yi diodi Sikadi, mu mbimba yi gundu yi Yagobi ya gawedi Yozefi, mwana wenzi. ⁶ Ago gugakedi wumbu di mema di Yagobi. Yisu dia gahedidi gwingi sila mu mubembu wa gasadidi, dia gabwidi achi mu mbimba yi mumbu dio. Gugakedi mu gidesu gi dangu di sambanu. ⁷ Mugosuna umosi u Samadiya dia gesidi gu deya mema. Yisu dia mwambila: pi mema ma gunwa. ⁸ Mu mwila alongogi enzi agedi gwimbu mu gugamba yima yi gudia.