1
Mu luyanzigu gugakedi ndaga,ye ndaga yo yigakedi ye Nzambi.
2
Yoyi yigakedi mu luyanzigu ya Nzambi
3
Yima yikima yigasalamanini mu yoyi,lo gwena ye giogo gigasalamanini mu gugonda gu yoyi.
4
Mu yoyi gugakedi luzingu,ye luzingu lugakedi mwinda u hadu akima.
5
Mwinda ugu geganga mu piba, ye piba lo yena ye giyega gimosi gwena womu.
6
Gwena ye mudu umosi uga dumisidi Nzambi:kumbu yenzi Zwani.
7
Yeyi agesidi mu gukala nga mbangi,mu mwila guhana gimbangi mu mwinda,mu mwila mbi mudu mukima agwigidi mu kumbu yenzi.
8
Yeyi lo aga kedi mwinda, ha agakedi mudu ugu hana gimbangi mu mwinda.
9
Mwinda wo ugakedi mwinda ugagidi,ugesidi mu gifudji,gugisa mudu mukima.
10
Yoyi igakedi mu gifudji, ye gifudji gigasalamanini mwena yoyi, ye gifudji lo giga mwisiyiyi.
11
Yoyi migesidi gwena aho enzi, ha aho enzi lo aga muyambidi
12
Ha aho akima aga muyambidi, mu ho aga gwigididi mu kumbu yenzi, yoyi miga hanini giyega gi gukala ana Nzambi,gwena o aga yivadidi,
13
Lo mbi mu magila, lo mbi mu luzolu lu musuni, lo mbi mu luzolu lu hadu ha mu luzolu lu Nzambi.
14
Ye ndaga yo iga salamanini mu talu, ye yoyi iga zingidi mu gadji diedu, ugu zala ye madodji ye gagidi; ye adu mu dugadadidi madodji medji, madodji nga madodji ma mwana umosi ayo ugesidi gwena dada.
15
Zwani maga hanini gimbangi gienzi, ye yeyi mahosanga mu ndaga yi gola:gwena mudu yoyu wi hosanga mi: ayo ugesa gunima diami agesidi gumesu mami, mu mwila yeyi agakedi gu mesu mami.
16
Ye adu akima mudu gayambidi lugumu lwenzi, ye madodji mu madodji;
17
Mu mwila misigu mimi gahanamanini mu mbuga yi Mose,madodji ye gagidi magesidi mu mbuga yi Yisu Klistu.
18
Lo gwena ye mudu ugadala Nzambi; mwana umosi, wena mu vumu di dada, ena yoyo ugasadidi mbi adu dwisiyi Nzambi.
19
Dalenu gimbangi gi Zwani, mu dangu di dumisanga a Zwifi a Yelusalemi ye a Levi anganga Nzambi, mu gwenda gumula: ayi wena na?
20
Yeyi ma ambilanga ye lo adunanga, yeyi ahosanga mbi yeyi lo ena Klistu.
21
Ye owu dia gamudidi: yigi sila?ayi wena Eliya? Ye yeyi dia hosa: ami lo giena yeyi.Ayi wena mbigudi? Ye yeyi dia gidjigisa mbi: lo.
22
Owu dia mwambila kega: ayi wena na? mu mwila adu dwedji guhana mvudu gwena o adudumini. Ayi beni uhosa yigi mu mwila yi?
23
Yeyi dia hosa mbi:ami giena ndaga yo yiba gwagula mu demu digonda gima: hidigenu mambuga ma fumu, nga giga hosidi Yezaya, mbigudi.
24
Aho agadumini agakedi Afadisayi.
25
Owu dia gamu wedi kega gifu gi: mu mwila yigi ayi wena mugu bodjiga? mbi ayi lo wena Klistu, lo wena Eliya, lo wena mbigudi?
26
Zwani dia ginzigisila mvudu: ami iba gubodjiga mu mema, hamu gadji dienu gwena ye mudu umosi unu gonda nu gwisiya, ugesa gunima diami;
27
Ami lo gwena ugu guga mu gumwanzulula sabadji diedji.
28
Mambu mo makima mahidanga gumbu di Betani, gutu yi Yodidani, gubodjiganga Zwani.
29
Gunima di ufugu dia gadadidi Yisu wesa gwena yeyi, ye dia hosa: dala dimema di Nzambi, di gugadula masumu ma gifudji.
30
Gwena yeyi wi hosilanga mi:mbi gunima diami gugesa ye mudu ayo wi galabidi mi,mu mwila yeyi agesidi gu mesu mami.
31
Ami lo imwisiyanga, ha mu mwila yeyi adilesi gu Isaledi mbi ami ibodjigaga mu mema.
32
Zwani ma gahanini gimbangi gio: ami miga dadidi mpeve yi duga gu wulu yigulumuga nga yembi yoyi di yomana mu giena mi.
33
Ami lo imwisiyanga, ha ayo uga tumini mi abodjiganga mu mema, mudu beni yo aga ngambididi: wena yo wugadala mpeve yi gulumuga ye yomana, gwena yoyo uga bodjiga mu gimpeve.
34
Ye ami miga dadidi ye ami miga hanini gimbangi, mbi ena mwana u Nzambi.
35
Mu ufugu ugalabidi Zwani agakedi hoho,ye alongogi mbadi mu gadji ga alongogi enzi;
36
Ye mu dangu dia dala Yisu uhidanga, yeyi dia hosa: dalenu mwana lumema lu Nzambi.
40
Andedi pangi u Simoni Pedula,agakedi umosi mu gadji di o agefidi ndaga yi Zwani,ye agaladjidi Yisu.
41
Gugakedi yeyi mudu ugedi gudala pangi wenzi Zwani mudu utegu, ye yeyi dia mwambila: adu duwanaganini ye Mesiya(gulesuga mbi Klistu)
42
Ye yeyi dia gamudwadidi gwena Yisu, dia mudala, dia hosa: ayi wena Simoni, mwana u Yona; agolenziganga Sefasi(gulesuga mbi mani).
43
Ufugu ugaladjidi Yisu agazodidi gwenda gu Ngadidi,ye yeyi dia gawanaganini ye Fidipo.Yeyi dia mwambila: ndabi mi.
44
Fidipo agakedi mudu u Betisayida, gu mbu di Andedi ye Pedula.
45
Fidipo dia wanagana ye Nataneyeli, ye dia mwambila: adu dudadidi mudu yo ugasonigidi Mose mu misigu ye yoyo uhosilanga ambigudi, Yisu mwana u Nazaleti, mwana u Yozefi.
46
Natanayeli dia mwambila: gima gi pimbu gifana guduga gu Nazaleti? Fidipo dia mwambila mbi: awisi, ye udadi.
47
Yisu dia dala Natanayeli munu gwisa gwena yeyi, dia mwambila: dala sila mudu u Isaledi,mu gadji dienzi lo gwena ya mambu ma upala.
48
Kwiyo ayi uga ngisiyiyi mi? Giga mudidi Natanayeli. Yisu dia mwambila: dangu di gazodidi mbi Fidipo aguledjigi, dangu diu gakedi gusi mudondu u figiye, ami migodadidi.
49
Natanayeli dia mugidjigisila mbi: Lbuni, ayi wena mwana u Nzambi, wena fumu wu Isaledi.
50
Yisu dia mwambila: mu mwila ami mi gwambila mbi ami migudadidi gusi mudondu u figiye, ayi ugwigila; ayi muwa gudala mapanzi mengi magola mahida ama.
51
Ye dia mwambila, mu gagidi, mu gagidi, anu munu gadala sila wulu dianzuluga ye awanzioa Nzambimunu guganduga ye munu gugulumuga mwena mwana mudu.