¹ Mu gio,Melishisedeki yo fumu wu Salemi,mbuda nganga wu Nzambi wena gu wulu,ayo wendanga gu mesu ma Abalayami mu dangu diaga dugidi mu gibela gia fumu,diaga musagumunini. ² Ye gwena yeyi Abalayami ahana gizini gi gumi(dimi) dienzi,ayo ugakedi tegu fumu wu gagidi,gunima di mbangudulu yi kumbu yenzi,ye gunima fumu wu Salemi,guzola gulesuga mbi Fumu wu ngemba. ³ Yeyi lo ena ye dada,lo ena ye maya ,lo ena ye ganda,lo ye luyanzigu lu mafugu ye nsuga lo yi luzingu,ye yeyi aga guga ganini ye mwana Nzambi,Meshisedeki yo uga sala kaka mbuda wa nganga Nzambi a miziga ye miziga. ⁴ Dalenu,mbalu zigwi mudu yo agakedi mbuda gu mesu mowu.Mbuda wedu Abalayami diaga wedi ndambu yi gumi mu yima yi pimbu agio giaga senzidi gu gidumba. ⁵ Ye mugio akaga a Levi aho aga lombidi isambu yi pimbu,owu maga yambidi lumve mu mbuga yi misigu mugu senda ndambu yimoshi mu gidjini gi gumi(dimi) gwena hadu. ⁶ Guzola gulesuga,gwa apangi owu ana Isaledi,mu dangu di pimbu owu beni kega agakedi giganda gi Abalayami,ye aga sagumugidi,owu o agakedi ye magani ma Nzambi. ⁷ Lo gwena sila mfunu mbi mudu umasina,asagumugi gwena mudu wena guwulu. ⁸ Mu mpila yo,hadu agufwa magu yambanga gidjini gi gumi(dimi),ha mu gio ayo uba guyamba gidjini gi gumi ufana gihida mu gimbangi gi mu gukala ye moni. ⁹ Mu guhosa mu mbalu yega:Levi ayo usendanga ndambu yi gidjini gi gumi(dimi),yeyi kega maga difudjidi gwena Abalayami. ¹⁰ Mu mwila Levi agakedi mu vumu di mbuda wenzi Abalayami mu dangu di gedi gumudala Melishisedegi. ¹¹ Mu dangu di,mbi lusadisu lu pimbu lu kadi giogio mu mbuga yi isambu yi pimbu yi hadu a Levi(mu mwila hadu maga yambidi misigu),gugakedi mfunu mbi mbuda wa nganga Nzambi ega avalugi mu mbuga yi Melishisedegi,ye mugu gonda mugu mulenziga nga giga kedi misigu Aloni? ¹² Mu mwila,mu dangu diaba gusoba mpila yi isambu,misigu kega mifana gusoba. ¹³ Ha,mudu yo waga hosididi mapanzi mo,ena mu ganda diega,ye lo gwena ye mudu ata imoshi uga sadidi tegu munzu yi isambu. ¹⁴ Mu dangu di,gwena giogio mbi fumu wedu ena ganda di Yuda,ganda di Mose lo gia soniga muyo idadila ambuda a nganga Nzambi. ¹⁵ Ye ayo yidu baguhosa yena mu wangala,mbi mbuda wa nganga Nzambi umoshi uduga mugu fanagana ye Melishisedegi. ¹⁶ Nganga Nzambi yo muhe muhe lo ena yo uga guma nganga Nzambi nga mu mbuga yi misigu mu ganda di gimudu,ha mu mbuga yi giyega gi luzingu lo lufana gugonda gubeba. ¹⁷ Mu mwila isoni mugu danga gimbangi gienzi:<> ¹⁸ Mu mwila muganda wu misigu migulu,aga wusidi mu lugalu mu mwila wowu ugadi ngolu lo ye uga kedi kega mfunu lo. ¹⁹ Mu mwila misingu lo miga salamanini mu gugumisa mudu pimbu,ha mu mbalu yega,gwena minu di pimbu mu mafugu magesa,mu mpila yo yidu fana gupusana gu mesu ma Nzambi. ²⁰ Luzolu lowu lo lupimbu,lo luga salamana mbi owu lo adia ndefu.Mu mbalu yega,amoshi maga gumini anganga Nzambi mu gugonda gudia ndefu. ²¹ Ha muyo idadila mudu yo,Yisu;yeyi aga guma mu mbuga yi gudia ndefu iga salamanini gwena mudu yo uga mwambididi:<>ayi mwena nganga Nzambi wu miziga ye miziga. ²² Mu gio,Yisu yeyi uga gumini mweni gimbayi gio gipimbu. ²³ Mu mwila lufwa mulu gandaga mbuga gwena anganga Nzambi amoshi mu gusala mu miziga ye miziga,mu mwila gio,gugakedi ye anganga Nzambi engi,umoshi ye gunima mwega . ²⁴ Ha mu mwila Yisu azinganga mvula ye mvula,nzu yi Nzambi lo yisobuganga. ²⁵ Mu woma wo,yeyi ena ye giyega mu gubigisa aho agu pusananga gwena Nzambi mu mbuga yenzi mu gizinga mvula mvula mu mwila gusambila mu mwila owu. Gwena gagidi mu mwila adu mu gukala ye mbuda wa Nganga Nzambi wu gifa ²⁶ gio.Yeyi lo ena ata ye disumu dimoshi,lo ye jilu,ena musantu,uga gabula gana ye masumu ye yeyi uga guma mbuda sila guhida wulu. ²⁷ Mu mbalu yega gwena anganga Nzambi ,yeyi lo agakedi ye mfunu,digu hana ufugu ukima magabu,tegu mu mwila masumu menzi beni,gunima mumwila masumu mahadu enga.Yeyi aga sadidi mbalu imoshi buna mu mwila adu akima mugu dihana ye beni. ²⁸ Mu gio,misigu miaga sidi nga fumu wa nganga Nzambi wu hadu lo ugakedi wugola,ha ndaga yi gudia ndefu ayo yiga dugidi mu misigu,wugasadidi mwana,wuga sadidi pimbu mu miziga ye miziga.