¹ Mul mwila konso fumu yo uga ponamanini, gwena hadu, aga mu shidi mu mwila gu sala mu kumbu yowu mu mapanzi madila Nzambi, mu mpila mbi ahani makabu. ² Lo afana gu lesa hadu ho ako ye mu gwa walusa nga ye beni ena mumolu. ³ Mu gio, ye kega mugu hana makabu mu mwila masumu mendji a ba gusala mu mwila masumu ma hadu. ⁴ Shi mudu umosi lo afana gusenda lugumu mu mwila yebeni, mi Nzambi lo amulenziga nga giga sadidi Aloni. ⁵ Mu mpila imosi Yisu lo agaluwedi lugumu mu gugi duga mu muneni wa nganga Nzambi. Nzambi dia mwambila: «Wena mun'ami; iguma Dad'eyi.» ⁶ Dia hosa mu ihana yega: « Wena nganga Nzambi wu ma fugu makima mu ndaga ya Melsisedek.» ⁷ Mu mafugu mu mwila musuni, Klisto dia hanini isambu ye milolu, migola ye idilu gwena Nzambi mu mwila ye buna ufana gumu gadula mu lufwa, mu mwila luzidu luendi, Nzambi ma mwifi diedi. ⁸ Shi aga kedi mwana umosi, buna mago lungugidi gulemvuga mu minianga mienzi. ⁹ Dia gumini musantu ye mudu utegu mu gifumu gi Nzambi gwena mudu mukima yo ufana gu mulemvugila. ¹⁰ Aga mu panini gwena Nzambi nga nganga Nzambi muneni mundonga yi Melsisedeki. ¹¹ Dwena ye mengi magu hosa mu mwila Yisu, ha gwena pasi mu mwila nu ba gwisiya mapanzi mu pashi. ¹² Mu dangu dio, anu nugendi gu kala alongi adi nu guma ye mfunu yi mudu mwega mugu nulonga yima yi mfunu mu danga yi Nzambi. Nwena ye mfunu yi midigi, lo mbi yima yigola! ¹³ Mu mwila konso mudu yo uganwa midigi aga guma ndungi mu ma panzi ma gu sambisa mu mwila nwena tegu ana du lengi. ¹⁴ Ha, yima yi gola mu mwila a mbuda, dala di mu mwila gi mbuda, hadu ena ndungi mugu nunga ma pimbu ye mabi.