¹ Mu mwila gio,anedu asantu,anu nwena ye giyega mu gulenziga gu wulu.Nusenzi Yisu Klistu nga Ntumwa ye fumu muneni wu mfunguna diedu. ² Yeyi agakedi mudu wu gagidi gu mesu ma Nzambi ayo uga musodidi nga Mose ugakedi kega mudu wu gagidi munzu yi Nzambi Mpungu. ³ Mu mwila Yisu Klistu agakedi mudu usunga mana uhida lugumu lu Mose mu mwila mudu yo uba gudunga nzu ena yi mfunu yingi guhida nzu yo beni. ⁴ Mu mwila hoshi nzu yiga duganga manini gwena mudu, ha ayo uga dungidi yima yikima gwena Nzambi. ⁵ Mbalu yega kega Mose agakedi lubogu nga mudu ugisalu munzu yikma yi Nzambi.Yeyi agakedi gimbangi gi yima yo yigenzi gusalamana mu mafufgu mamesu. ⁶ Ha Klistu ena mwana wu gisina gunzu yi Nzambi.Adu dwena nzu yenzi,mbi adu duganda muzima mu kiesi ye minu miedu. ⁷ Mu gio,nga giba gudwambila muhunga wu vedila:Mwanongu mbi anu nwefa ndaga yenzi, ⁸ Anu lo nufana guganda mizima mienu nga mu idumba mu dangu di mimeganu mu demu. ⁹ Mapanzi mo,maga dula mu dangu dio,diga dombugidi ambuda enu mu gumega mi ye mu dangu didadi miziga magumi mawana di mamvula,owu maga dadidi isalu yami. ¹⁰ Kega ,ami migefidi kabu zingi sila mu mwila gibuga gi hadu a miziga mi.Ami ihosa:owu aga bilagana mu mizima miowu ,ye owu lo esi ndaga yami. ¹¹ Mu gio,ami migi senda ndefu mu kumbu yi kabu ziami :owu lo age ngila mu gwenda guhu luluga yami". ¹² Anu,nugie bugi,anedu,mu mpila mbi umosi lo mugadji ufana gukala ye muzima ubi ugu gonda gugwila mu,muzima awo uba gudega Nzambi umoni nima. ¹³ Ha,anu nufana mugu dilonga yenu ye yenu,ufugu wukima ,kega banda tama,yoyi miga hosama nini mbi:<>,mu mpila mbi lo gwena ye mudu umoshi mu gadji dienuufana gugonda mu guganda muzima mu ndefu yi masumu. ¹⁴ Mu mwila adu duga guma ambayi a Klistu Yisu,mbi adu duga ndamana mu minu miedu wena yeyi banda luyanzigu de gunsuga. ¹⁵ Yoyi miga hosamanini mu manunga mo:<> ¹⁶ Nayo ugakedi,mudu yo ugefidi Nzambi ye yeyi dia dombuga?Lo gugakedi mbi hadu o akima agadusidi Mose gu Ezipito? ¹⁷ Ye agakedi gimbeni yena mu miziga kumi ye miwana? ¹⁸ Ye gwena na yiyi agenda gudia ndefu mbi yeyi lo agengila mu gwenda guhulu luga,mbi lo gugakedi aho aga dunini mu gumuzidjisa? ¹⁹ Adu mudu dadidi mbi owu lo afana gwigila mu guhulu luga mu mwila owu lo aganzu ludidi muzima.