¹ Tunda giogio du feti gu geba mu ma pandji medu gwifanga, mu mpila mbi du gondji gu bila mbuga. ² Misigu miga longidi awanzio gwena a kaga edu, miga kedi mi gagidi. mudu mukima uga gondji gulanda misigu aga sendjidila ndola. ³ Adi mpila yigi du fedji gu djina ndola yoyo, mbi dugu sendanga luhulusu nga gombi lwena gima gi pamba. tegu ye beni fumu yesu uga dwambidid musamu u luhulusulolo, ye hadu ho aga mwifidi, aga hosidi mbi luhulusu lwena lu gagidi. ⁴ Ye beni Nzambi maga sadidi ipa yingi yigwibigila mu kumbu yi mu hunga wu santu, aga gabidi makabu ma mpila yingi mugu lesa luzolu lwendji kega. ⁵ Nzambi lo aga wedi a wanzio giyega gigu yala gi fundji gi kimina, ye yima yendi ikimina, mu mpila yi du ba gu hosa. ⁶ Gishi lo, hadu mugu hosila mu miganda mi Nzambi mbi: « Mu mwila yigi Nzambi agu yindudilanga mudu? ena gu mesu mendji? lo kega hena mwana mudu mu mwila gu mu geba.» ⁷ Mu ndambu dangu di uga hana gwena mudu, gunima dia wanzio, uga muwa lugumu nga gombi ena fumu muneni. ⁸ Uga hana gi fumu gi kima gu mashina ma giyega giendji mu mpila mbi a mwifidi. lo uga shishidi shi gi mosi mu gu gonda gu mwifila. lo dugu dalanga mbi yima yikimina mu gwifila mudu. ⁹ Dangu didi, duga dalanga Yisu, Nzambi dia nuwa gigu, Nzambi dia muwa giyega gu nima dia wanzio. gu nima di dangu, Nzambi dia muwa gifumu gineni gu hida a fumu akimana. dia dala pasi zingi mu lu fwa lwendji, mu mwila luzolu lu Nzambi. Yisu aga fidi mu mwilu guhulusa hadu akimina. ¹⁰ Nzambi aga sadidi giogio, mu mwila gudu lesa mbi yima yi kimina yena yendji, ye buna wena ye giyega gi gu hana lugumu gwena hana endendji mu gi fumu giendji. Yisu buna ugu hulusanga hadu. ¹¹ Yeyi buna uga gadulanga masumu ma hadu, lo agwifanga soni mu gudu lendjiga a pangi endendji, mu mwila dwena ye dada umosi. ¹² Dia hosa mbi:« yiga hosanga kumbu yayi gwena a pangi amemi, iga biganga mi gunga mu mwila guwa lu gumu gu mesu ma gimvuga gi hadu akimina.» ¹³ Dia hosa gega mbi: « iga sanganga mudjima wami gwena yeyi» dia hosa gega mbi: « dala ami yuyu ye hana aga pedi.» ¹⁴ Tunda giogio, hana Nzambi agu labanga musuni ye magila ma Yisu. Yisu kega ma gu gabanga musuni ye magila ye ohu mu mwila lu fwa lwendji, aga bedishidi satana uga kedi ye giyega gi lu fwa. ¹⁵ Aga gumini mudu mu mwila gu gadula hadu agakedi ahiga mu luzingu lowu, akadi ye woma u lu fwa. ¹⁶ Mugu hosa gu pimbu, Nzambi lo agu sadisanga a Wanzio yeyi agu sadisanga hana a Abalahama, gi guga sona mana mu mu ganda u Nzambi. ¹⁷ Tunda gio, guga kedi mfunu mbi Yisu agumi gigeledi ye a pangi endji mu ma pandji makimina, mu mwila agumi fumu wowu gu mesu ma Nzambi, fumu yoyo uguifanga kenda zi hadu a masumu, fumu yoyo wa fana gu shila mu djima, mu mwila mbi Nzambi a loludi. ¹⁸ Mu mwila Yisu, ye beni aga dadidi pasi, ye ma ga mumegidi, tunda giogio, ye kega ufana gu sadisa hadu a ugumega.