¹ Mbi mu mwila nu,anu nuga kedi awa gufa mu gubebisa gwenu gu misigu ye masumu menu. ² gwena mu giogo anu nwendanga mu madangu mamosi nga dingidimba di gifudji gi.Anu nwendanga mu ludumu lwa Afumu a muhunga.Gwena muhunga u yo wena mu gisalu gwena ana agonda lemvu. ³ Adu akima madangu mamosi duga kedi hadu agonda lugwigilu.Adu dusanga mapanzi mu luzolu lu pwisa yi mwila wedu.Adu dusadilanga luzolu lu mila miedu ye manunga medu.Adu duga kedi mu gifudji ana a gisegu nga hadu akima. ⁴ Ha Nzambi ena mvama mu kenda mu luzolu lwenzi luneni mu mbuga yoyo yeyi aga duzodidi. ⁵ Mu gio adu duga kedi hadu awa gufa mu mwila gumvenza gu misigu gwedu beni,yeyi diaga dudwadidi mu luzingu luhe luhe mu Yisu Klistu.Gwena mu ngolu zi Nzambi anu nuga hulugidi. ⁶ Nzambi maga dufudumunini adwakima ye maga dubwisidi asi adwakima mu ihani yipimbu guwulu mu mbuga yi Yisu Klistu. ⁷ Yeyi aga sadidi gio mu mwila mafugu magwisa ,yeyi adu lesi umvama u neni mu ngolu zienzi.Yeyi agga dulesa gio mu mbuga yi mapimbu menzi mu Yisu Klistu. ⁸ Mu mwila gwena mu ngolu,anu nuga hulugidi mu mbuga yi lugwigila,ye mapanzi ma lo magesidi yanu;gugakedi gabu di Nzambi. ⁹ Lo gwena mbi banda isalu mu mpila mbi mudu abanzi gusa lusigisa. ¹⁰ Mu mwila adu dwena gisalu gi Nzambi,gia gasadidi mwena Yisu Klistu mu mwila mugu sala isalu yipimbu ayo yiga hidigidi Nzambi duga tama mu mwila adu,mu mpila mbi adu dukadi mu gadji ga isalu yo. ¹¹ Anu nungenu mbi madangu momosi anu lo nugakedi Azwifi mu gimudu. Anu nule nzigananga: "hadu aga gonda guhuga" mu yo yalenziganga agahuga mu gumudu yiga salamanini gu miogu mi hadu. ¹² Mu mwila mu dangu dio,anu munu gagabu laganini yi Yisu Klistu. Anu nuga kedi anzenzi mu gadji ga Isaledi. Anu nugakedi anzenzi mu gifilagani yi gulaga gu Nzambi. Anu lo nugakedi ye magani mu mwila mafugu magwisa gumesu. Anu lo nugakedi ye Nzambi mu gifudji gienu. ¹³ Ha mu dangu di,mu Yisu Klistu,anu nugakedi mu dangu dimosi gudadi ye Nzambi,anu di nuguma heyi heyi ye Nzambi mu magila ma Klistu Yisu. ¹⁴ Mu mwila yeyi ena ngemba yedu.Yeyi uga sala mu yadi umosi. ¹⁵ Yeyi maga bogudidi mu mwila wenzi gibaga gidu gabu langa,gilesuga mbi yeyi diaga zidi musigu amio miaga sonigidi mu mpila mbi yeyi asadi mudu muheyi muhe mwena ye beni. ¹⁶ Yeyi aga sadidi gio mu mwila gugosa hadu mbadi a Nzambi mu mwila umosi mu mbuga yi nkulusi.Ye nkulusi,yeyi diaga zidi isalu yikima yibi. ¹⁷ Yisu dia gesidi, yeyi dia nuwa ngemba ;gunwenu nugakedi gudadi ye aho agakedi heyi heyi. ¹⁸ Mu mwila mu mbuga yi Yisu Klistu adu dwena ye mambuga madi gwena dawa mu muhunga umosi buna. ¹⁹ Mu gio ,anu nugonda A zwifi anu lo nwena hadu a handji ye lo nwen anzenzi .Mu mpilayega,anu nwena hadu sila ye oho aga sidi mu lugalu mu Nzambi ye hadu a ganda di Nzambi. ²⁰ Anu nuga dungama nini awulu magunda ma antumwa ye ambigudi.Yisu Klistu ye beni aga kedi mani dio diulu. ²¹ Mwena yeyi nzu yikima didumba mana ye digulunga gigeledi nga nzu yi Nzambi mu gadji ga Fumu. ²² Gwena mu mwila yeyi anu kega nwena mugu dunga mana gigiledi nga nzu yi Nzambi mu gimpeve.