¹ Polu, ntumwa u Yisu KListu, mu luzolu lu Nzambi, mu ansatu hadu Nzambi gu Efezo ye owu ena a luzolu mu gadji ga Yisu Klistu. ² Wega mbi ngolu zikadi yanu ye ngemba mu mbuga yi Nzambi dada wedu ye mu buga yi Yisu Klistu. ³ Wega mbi Nzambi ye dada u fumu wedu Yisu Klistu agu misamani!Gwena yeyi mudu uga dusagu munini mu lusagu munu lukima lugi mpeve mu ihani yena guwulu mu Klistu. ⁴ Nzambi uga dupona duga mudugu u gifudji gi,mu mpila mbi adu dukadi asantuye dugonzi gubiya gumosi gu mesu menzi. ⁵ Nzambi maga dusodidi mu mwila gukala nga ana enzi mu mbuga yi Yisu KListu,mu luzolu lwenzi lupimbu. ⁶ Gupona mana gwedu gwena ye ndandu yi gulumisa kumbu yenzi,muyo yaga duwedi yi gugonda,mwena yo uga duzodidi . ⁷ Mu Yisu Klistu adu dugasu mbamanini mu magila menzi ye ndolula yi masumu,mu mbuga yi umvama wenzi ye zingolu zienzi. ⁸ Yeyi maga mwangidi ngolu zienzi mu dwena du mu ndungi zikimz ye mu manunga makima. ⁹ Nzambi maga dulesidi giguma gi maswegamu ma luzolu lwenzi mu mpila yo yaga sebididi ye beni,ye mugio yeyi maga dilesidi mwena Yisu Klistu. ¹⁰ Gisalu gi Yisu Klistu gigakedi gugisa mana gu dangu,mu mwila guwumbiga yima yikima,yima yikima gu wulu ye mu manu,gu masina ma fumu umosi,mu mbuga yi Yisu Klistu. ¹¹ Mu mbuga yi Yisu adu duga ledjiga manini ana Nzambi.Yoyi giga lomba manini duga tunda giogo,mu magani ma mudu yo uga sadidi yima yikima mu luzolu lwenzi beni. ¹² Nzambi diaga dulugidi ana enzi mu mpila mbi adu dukadi ategu mu gukala ye gusa muzima mu luzolu lwenzi mu mbuga yi Yisu Klistu,ye kega adu dukadi mu gumu gumisanga yeyi mu kiesi. ¹³ Mu Yisu anu kega mu dangu dinu gefidi ndaga yi gigidi,masonama mu lugulusu lwenu,ye anu munu gagwigididi mwena yeyi ye maga nusidi gidimbu gimpeve yi vedila yaga nuganisidi. ¹⁴ Mpeve yi vedila yena gikamisadu gi umvama wedu ti gogo gudu gasenda sila giyega gio,mugu mugumisa mu kiesi. ¹⁵ Mu mbuga yo, banda digefidi mi munu guhosila lugwigilu lwenu mu Yisu Klistu ye luzolu lwenu mu asantu akima hadu a Nzambi. ¹⁶ Ami lo igegidi guwa Nzambi madodji mu makumbu menu mu gisiedjisa mu isambu yami. ¹⁷ Ami iba gusamba mbi Nzambi yu ufumu wedu Yisu Klistu,dada u kiesi,yeyi anuwi ndungi ye anu lesi mu gadji ga gwisiya gwenzi. ¹⁸ Ami iba gusamba mbi mesu ma mizima mienu miazulugi mu mpila mbi anu nwisiyi luzolu lugu gandamana gwena yeyi uga nuledjigidi ye gimvama gi kiesi mu gadji di asantu akima a Nzambi. ¹⁹ Ye mu isambu yami,ami iba gulomba mbi anu nwisiyi uneni u ngolu zienzi mu gadji diedu akwigisi,nga migi salu gienzi gigu moninganga mu ngolu zienzi zikima. ²⁰ Gwena mu ngolu ziozio Nzambi aga sadidi mu gadji ga Yisu mu dangu diaga mufudu munini mu lufwa ye maga mubwisidi asi mu gogu dienzi di gidada mu ihani yi guwulu. ²¹ Yeyi uga bwisa Klistu asi gudadi ye awulu ifumu yikima ye iyega yikima ye iga niada yikima,ye makumbu makima maga sonomana.Klistu maga yala lo mbi mu dangu dio buna,ha kega mu dangu digesa. ²² Nzambi ugasa yima yikima gu masina ma milu ma Klistu Yisu ye uga guwa gifumu awulu yi yima yikima munzu yi Nzambi. ²³ Nzu yi Nzambi yena mwila wenzi,guzala gu mudu yo ugu sesanga yikima mu yikima.