¹ Na sima Molimo akumbaki Yesu na esobe mpo amekama na Zabolo. ² Sima ya mikolo tuku minei ya kokila, ayokaki nzala. ³ Satana apusanaki pe alobi na ye: «Soki ozali mwana na Nzambe pesa mitindo na mabanga ebongwana bilei. ⁴ Kasi ayanolaki: «Ekomama, moto akobika kaka na bilei te, kasi na liloba ya Nzambe. ⁵ Bongo Zabolo akumbi ye na engumba esantu pe akitisi ye na songe ya ndako nzambe. ⁶ Ayebisi ye: «Soki ozali mwana na Nzambe,pumbwa tii na nse, nzambi ekomama: Akopesa mitindo na ba-anzelu na ye basenzela yo pe bakokumba yo obeta libanga te.» ⁷ Kasi Yesu ayanoli: «ekomami lisusu«okoki komeka Mokonzi Nzambe na yo te.» ⁸ Zabolo amatisi ye lisusu na songe ya ngomba likolo penza, pe alakisi ye bokonzi ya mokili na bisengo na yango. ⁹ Ayebisi ye: «Nakopesa yo bomengo yonso oyo soki ogumbameli ngai.» ¹⁰ Yesu alobi: «Satana, longwa! Nzambi ekomama: "Okogumbamela bobele Mokonzi Nzambe na yo pe okotosa bobele ye."» ¹¹ Na mbisa Zabolo atiki ye, pe ba-anzelu bayaki kosunga ye. ¹² Tango Yesu ayoki té bakweyi na Yoane, abendani na Galileya. ¹³ Atikaki Nazarete akeyi kofanda na Kapalanaume, pembeni ya mbu ya Galileya na etuka ya Zabuloni pe Nefetali. ¹⁴ Esalamaki boye po ete maloba ya mosakoli Esaya ekokisama. ¹⁵ «Mabele ya Zabuloni pe Nefetali kuna na mbu koleka Yolodani; Galileya ekolo ya bapagano. ¹⁶ Bato oyo bafandi na kati ya molili, bamoni moyi engali, pe epayi ya baye bazali na etuka pe kati molili ya somo, moyi engengeli bango. ¹⁷ Na tango wana, Yesu abandi koteya alobi: Botika masumu, nzambi bokonzi na Nzambe epusani. ¹⁸ Lokola azalaki koleka pembeni nya mbu ya Galileya, amoni bandeko babale, Petelo na Andele. Bazalaki koloba namonyama na kati ya mbu po bazalaki balobi. ¹⁹ Yesu alobi na bango: «Bolanda ngai pe nakokomisa bino balobi ya bato.» ²⁰ Saaipi batikaki minyama pe balandi ye. ²¹ Wana Yesu azalaki kokoba kotambola, amoni bandeko babale, Jaki na Yoane bana ya Zebede, na kati ya bwato kobongisa minyama, abengi bango. ²² Sasaipi, batiki bwato na tata na bango pe balandi ye. ²³ Yesu atambolaki na Galileya mobimba koteya na ba ndako Nzambe, kosakola sango malamu ya bokonzi na Nzambe pe kobikisa bakoni na bakakatani nyonso. ²⁴ Lokumu na ye epanzanaki Suliyamobimba pe bato bamemelaki bakoni ya lolenge nyonso, pe Yesu abikisaki bango. ²⁵ Etuluku ya bato elandaki ye wuta Galileya, Dekapoli,Yelusalema, Yudea pe koleka Yolodani.