¹ Kunima, mbasi yintanu yisika mpungu yiyani. yimona ntetembua yimosi you ga ntotu. nsabi zi zinga kilufua bangana zawu. ² Wuzibula zinga kilufua ye nzekila muisi wutombuka, bonsu kuani ziku ditiya. ntangu ye mpedidika bikuma ndombi mu muisi wumetingi mu zimba. ³ Makonku matuka ye mabua ga ntotu ye babagana lulendu lufuanakeni ku binkala kala ga ntotu. ⁴ Bakanukunua kababasi ku mfuta wu ntotu kani titi kinkunzu kani nkutu nti; kansi baganga mambi kaka ku bana kabatambula ku dimbu ki Nzambi ga mbulu zibawu. ⁵ Kababaka luve ku lugonda bantu bana, kansi kubakuamisa kaka mu ngonda tanu. miangala mibawu milendedi kala bonsu ntatika binkala nkala bu batanga muntu. ⁶ Mu bilumbu bina, bantu babasosa lufua kansi kasikabamona loku. si bazola lufua kansi si lutina ntama ye bawu. ⁷ Makonku mafuanana ye mpunda zikubukua mu nuana mvita. batulanga ga not mibawu bima bifuanakana ye tuvambu tu wola ye bifue bibawu bikala bonsu bifu bi bantu. ⁸ Bakala ye nsuki zifuanana ye nsuki zibakentu ye menu bonsu mana ma zinkosi. ⁹ Bavuetingi nkaku mifuanakana ye mikanku misengu ye ndinga masu mansala zawu yikala fuanikisanga kumasu ma makalu ye mpunda zita kuenda ntinu ku nkindu. ¹⁰ Nkila miawu mifuanakana ku Bambi zi binkala nkala; mu minkila miawu, bakala ye lulendu mu ganga mambi ku bantu ngonda ntanu. ¹¹ Bakala ye Mfumu mbasi ndimuka ye zilufua. nkumbu yani mu kibeleyo yikala Abbadoni ye Appolioni mu ngeleki. ¹² Kiadi kinteti kiluta. tala! kunima mambu mana, bimpanzu mu Kina biodi bikala lukufi mu kuisa. ¹³ Mbasi nsambanu yisika mpungi yiyani, ye yinua ndinga yimosi yituka mu mambi ku ntuala ziku di tempelo di wola dina ga ntuala Nzambi. ¹⁴ Ndinga yita ku mbasi you nsambanu wukala ye mpungi. kutula mbasi zozini ziya bena bakangama mu minsinga mu nzadi neni yi Efalata. ¹⁵ Mbasi za ziya zikubukua mu yoyini ntangu yifueni, mulumbu kiokini kifueni, mu yo ngonda yifueni, ye mumvu wuna wufueni, bakutulua mu bunga lueka lutatu lubantu. ¹⁶ Ntalu binuani bi mpunda yikala 200.000.000. yina ntalu bawu. ¹⁷ Tala bonsu yimuena mpunda ye bana bametingi zawu mu mona mesu makulu: nkaku miawu wukala ye langi di tiya tumbuaki, ndombi yi lombuka ye loka kuntu nkola( zalimeti.) ntu mimpunda mifuanakana ku miomini mi zinkosi, ye mu nua mibawu mutukidingi tiya, tumuisi ye nkola. ¹⁸ Ndambu tatu zi bantu yi gondama mu malema mana: tiya, muisi ye nkola zitukidingi mu nua miawu. ¹⁹ Kadi lulendu lu zimpunda lukala mu nua mibawu ye minkila mibawu. mu diodiyani, nkila mibawu mikala bonsu zinioka ye bakala ye mintu mu mana batubidingi mbasu ku bantu. ²⁰ Ku babasidi mu nza, bana kabadama ku mu malema mana, bavilula diela ku mavanga Mana bagengingi, kabayambula nkutu ku mu sambila biteki bisumuka ye Nzambi ziwola, mbongu, sengua, matadi ye minti; bima biobini kabilendi mona ku, kani nde kunua ye kani diata. ²¹ Ye kabavilula diela ku mu nkondolo zibawu zi bantu, kindiki kibawu, nsumukunu zibawu zi kinsuza kani ngununu zibawu mu kuata kima kibankaka.